Febuluwale 19-25
MASAMU 8-10
Lwimbo Na. 2 ni Pepo | Amazwi Aakuyulila Ukulongana (1 min.)
IVYUMA IVYAYA UMWI IZWI LYAKWE LEZA
1. “Namakutaizya we Yawe”!
(10 min.)
Yeova waya umusuma sana kuli sweswe (Masa. 8:3-6; w21.08 ifwa 3 pala. 6)
Tukaya sana ni nsansa nga tukulumbanya Yeova lino tukunenako antu pa milimo yakwe isuma (Masa. 9:1; w20.05 ifwa 23 pala. 10)
Nupya tukamulumbanya ndi cakuti tukumwimbila ni myenzo itu yonsi (Masa. 9:2; w22.04 ifwa 7 pala. 13)
MUYUZYE MWEINECO MUTI, ‘I nzila ci zyuze zino ningalumbanyizizyamo Yeova?’
2. Ukuvwikisya Sana Ivyaya Umu Malembo
(10 min.)
-
Masa. 8:3, NWT.—Uzye kiimba wa Masamu walozizye mwi lino walanzile pa minwe yakwe Leza? (it-1 ifwa 832)
-
I vyuma ci vino mwazanyile umu kubelenga Baibo kwa mulungu uu vino mungatunenako?
3. Kubelenga Baibo
(4 min.) Masa. 10:1-18 (th sambililo 11)
SAMBILILINI KUOMBA NINGO UMULIMO WA KUSIMIKILA
4. Vya Kutandika Ukulanzyanya
(3 min.) KU NG’ANDA NI NG’ANDA. Langililini vino mungacita ndi cakuti umwineco wa ng’anda walanda ukuti atazumila muli Leza. (lmd sambililo 5 cisinka 4)
5. Kuswililako
(4 min.) KUSIMIKILA KONSI KUNO TULI. Muku wafumileko umuntu wino mwalanzyanyizye nawe waminenyile ukuti atazumila muli Leza, lelo walangilila ukuti akulondesya ukusambilila pa vintu vikalangilila ukuti kwaya kaumba. (th sambililo 7)
6. Lyasi
(5 min.) w21.06 mafwa 6-7 mapa. 15-18—Mutwe: Mwaazwa masambililo inu aa Baibo ukulalumbanya Yeova. (th sambililo 10)
VINO SWE INA KLISTU TWAAYA
Lwimbo Na. 10
7. Vino Tungacita Pakuti Twalanda Wakwe Vino Tukalanda Lyonsi Lino Tukusimikila Konsi Kuno Tuli
(10 min.) Kulanzyanya.
Inzila yonga ino tungalumbanyizizyamo sana Yeova, alilyo lino tukusimikila antu yano tukaomba nayo imilimo ipusane pusane. (Masa. 35:28) Pa kutandika tunga uvwa intete ukusimikila konsi kuno tuli. Nomba ndi twasambilila ivyakutandika nu kutwalila ukulanzyanya wako vino tukalanda lyonsi, tungaomba ningo nupya tungaipakizya!
Tambini VIDYO yakuti Mwaya Aipekanye Ukusimikila “Ilyasi Lisuma Ilya Mutende”—Mwaitemelwa Ukulanzyanya na Antu. Alino muzye iumba iuzyo lii:
I vyani vino mwasambilila kuli vidyo yii ivingamwazwa ukulasimikila ningo konsi kuno muli?
Inzila izyalondelelapo zingamwazwa ukumanya ivyakutandika ukulanzyanya:
-
Lyonsi lino mwafuma pa ng’anda mwalola inzila zino mungatandikilamo ukusimikila antu. Mwapepelapo. Lino mukupepa mwalenga ukuti Yeova amwazwa ukuzana antu aya ni myenzo ikalondesya ukuvwa
-
Mwalanga ucuza nupya mwalanga ukuti imwika mano ku antu yano mukuzana. Mwaezya ukumanya vimwi pa muntu wiyo pakuti cimwazwe ukumanya icumi ca muli Baibo cino angatemwa ukuvwa
-
Ndi cakuti icilinga ukucita vivyo, mwaezya ukulola inzila ino mungapokelamo manamba yakwe foni
-
Mutatoovoka ndi cakuti mwamala ukulanzyanya ukwaula ukuti mumusimikile
-
Mwaelenganya pa muntu wiyo ndi cakuti mwamala ukulanzyanya. Mwatwalila ukulanga ukuti imwika mano ku muntu wiyo lino mukumutumila linki wa cipande cimwi ca muli Baibo, nanti cipande cimwi ca pa jw.org
Ezyini vii: Ndi cakuti umwi wamuzya ukuti, ‘Uzye umulungu wapitike uli?,’ mungamunenako vimwi vino mwasambilile pa kulongana, nanti pa mulimo uno mukaomba uwa kusambilizya antu Baibo.
8. Ivikulondekwa pa Cilongano
(5 min.)
9. Sambililo Lya Baibo pa Cilongano
(30 min.) bt cipa. 6 mapa. 1-8, na mazwi akulondolola ivili mu ciputulwa 2
