Mpiti Yeova wazwilizyanga apiina umu Izlaeli. I nzila ci zino Yeova akaazwilamo aomvi yakwe apiina ndakai?

• Akayasambilizya ukumanya ivya kuomvya ningo impiya.—Luka 12:15; 1 Tim. 6:6-8

• Akayazwa ukukanailola ukuti aa sile sile. —Yobo 34:19

• Akayasambilizya ukulaombesya nu kutaluka uku miyele iipe.—Mapi. 14:23; 20:1; 2 Kol. 7:1

• Wayaleta umu lupwa lwa Wina Klistu umwaya ukutemwa.—Yoa. 13:35; 1 Yoa. 3:17, 18

• Wayapeela upalilo. —Masa. 9:18; Eza. 65:21-23

Nanti cakuti intazi zino tukweti zingaloleka ukuti tutanga tuzicimvye, tutalinzile ukusakamikwa sana. (Eza. 30:15) Yeova alaatupeela vino tukulondekwa cikulu sile tukukolezya ivya Wene. —Mate. 6:31-33.

TAMBINI VIDYO IYAKUTI KUTEMWA U KWA PE USI MULANDU . . . NU UPIINA—CONGO, ALINO MWASUKE MAUZYO ALONDELELAPO:

• Uzye aina aakaikala ukwayelile ukongano wa citungu yapokeliile uli aina aakaikala ukutali nu kwayelile ukongano?

• Uzye vidyo ii ikutusambilizya vyani pali vino Yeova watemwa apiina?

• Uzye tungakolanya uli Yeova usi umulandu na vino tukweti?