Umuntu aakalangulukilako waya nu luse pano akacindika yauze nupya akamanya vino yakulondekwa. Antu yakamanya ndi cakuti tukuyalangulukilako nupya nga tukulondesya ukwazwa yauze cilalenga ukuti twayalangulukilako. Ndi cakuti tukulangulukilako yano tukasimikilako ala tukukolanya ukutemwa kwakwe Yeova nupya kucita vii kukalenga antu yalondesya ukumumanya.—Filipi 2:4.

Ukulangulukilako asi inzila sile ino tukaomvya lino tukusambilizya, lelo kukalolekela na muli vino tukakutika nu kulanda ukwikako nu mu miyele itu, vino tukaomvya umwili nu mu milolekele iya cinso. Tukalanga ukuti tukulangulukilako umwi ndi cakuti tukulondesya ukumumanya. Tukamanya vino yatemwa, vino yazumilamo ni vikuyacitikila. Tukayalanga ivyeo ivingayazwa lelo tusiyapatikizya ukusenuka. Ndi cakuti yano tukusimikilako yazumila ukuyazwa, tukaya nu luzango umu mulimo wa kusimikila.

TAMBINI VIDYO IYAKUTI MWAIPAKIZYA ULUZANGO ULWAYA MU KUPANGA ASAMBI—MWAZIFYA IMISIMIKILILE INU—MWALANGULUKILAKO, ALINO MWASUKE AMAUZYO ALONDELELAPO:

• Uzye Anita ali walanga uli ukulangulukilako lino Judy ali wacelwa?

• Uzye Anita ali walanga uli ukulangulukilako lino Judy ali walanda ukuti atatonta yatakusambilila?

• Uzye Anita ali walanga uli ukulangulukilako lino Judy ali walanda ukuti asitantika ningo ivintu?