Malembo yakatuneena ukuti twalola Aina Klistu aikolo wakwe vino tukalola ya mayo itu na ya tata itu na alumendo na akazyana nayo wa ina itu na ya kaci itu. (Belengini 1 Timoti 5:1, 2) Aina sana sana aliyo yalinzile ukulanga sana umucinzi kuli ya nkazi.

Umwina atalinzile ukulanga icintemwa ica ufi nanti ukucita vimwi ivingalenga nkazi auvwa uyi ukuya pamwi nawe. (Yobo 31:1) Umwina aatatwala atalinzile ukucita ivingalenga ukuti nkazi aelenganya ukuti umwina wiyo atamutemwa icakuti yalatwalana lino umwina wiyo asikwelenganyapo nu ukuti alamutwala.

Ya eluda yalinzile ukuya ni cikuuku nu kwikako sana amano ndi cakuti nkazi wayuzya pali vimwi nanti walanda vimwi ivingalondekwa ukuombelwapo. Ya eluda yakaika sana mano kuli ya nkazi sana sana yayo aatakwata ya wao akuti yayacingilila—Luti 2:8, 9.

TAMBINI VIDYO IYAKUTI TWALILILIINI UKULANGA UKUTEMWA KWA PE UMWI UVI LYONSI—KULI YA MUKAMFWILWA NA ANA AATAKWATA YA ISI, ALINO MWASUKE MAUZYO ALONDELELAPO:

• Uzye aa mu cilongano yalangizye uli ukutemwa kuli nkazi Myint?

• Uzye ukutemwa kuno aa mu cilongano yalangizye kwalenzile uli ukuti aa mu muzi yasimikilwe?

• Uzye ukutemwa kuno aa mu cilongano yalangizye kwazwilizye uli ana yakwe nkazi Myint?

I nzila ci zino mungalangilamo ukuti mukasakamala ya nkazi aa mu cilongano cinu?