Yeova akalonda ukuti indupwa zyaya ni nsansa. (Masa. 127:3-5; Kasa. 9:9; 11:9) Lelo insansa zitu zingasila pa mulandu ni intazi izyaya umu nsi ii alino na pali vino amu lupwa yakaluvyanya. I vyani vino amu lupwa wenga na wenga yangacita pakuti umu lupwa muye insansa?

Iya alinzile ukucindika umuci. (1 Pet. 3:7) Nu kukwata insita iyakuya pamwi nawe. Iya atalinzile ukwenekela ivicizilemo ukufuma uku muci wakwe nupya alinzile ukulalanga ukuti akamutaizya pali vino akamucitila pamwi nu lupwa. (Kolo. 3:15) Alino nu kulamunena ukuti wamutemwa nu kulamutaizya.—Mapi. 31:28, 31.

Umuci alinzile ukutungilila iya. (Mapi. 31:12) Alinzile ukumutontela alino nu kulaombela pamwi nawe. (Kolo. 3:18) Alinzile ukulalanda kuli iya umu cikuku nu kulanda ivisuma pali aliwe.—Mapi. 31:26.

Avyazi yalinzile ukulakwata insita iyakuya pamwi na ana yao. (Malan. 6:6, 7) Yalinzile ukulanena ana yao ukuti yayatemwa. (Mate. 3:17) Lino yakusunda ana, yalinzile ukulanga ukutemwa nu kwiluka.—Efes. 6:4.

Ana yalinzile ukuvwila nu kucindika avyazi yao. (Mapi. 23:22) Yalinzile ukulanena avyazi yao vino yakuyuvwa na vino yakwelenganya. Ana yalinzile ukulauvwila ukusunda kwa yavyazi nu kulanga ukuti yayacindika.—Mapi. 19:20.

TAMBINI VIDYO IYAKUTI MWAYA NU LUZANGO UMU LUPWA, ALINO MWASUKE IUZYO ILYALONDELELAPO:

I vyani vino yonsi wenga na wenga yacisile pakuti yalenge umu lupwa muye insansa?