Yesu watulangilile vino tungamukolanya nga twatunkwa nanti nga tukuzunyiwa. (1 Pet. 2:21-23) Nanti icakuti antu yasaalwile Yesu, atatazile alandula na lino yamucuzyanga kwene. (Mako 15:29-32) I cani camwazwile ukuzizimizya? Wapanzile umu mwenzo wakwe ukuti a macitanga sile ukulonda kwakwe Yeova. (Yoa. 6:38) Nupya welenganyanga sile pa “luzango luno lwali nkolelo.”—Ayeb. 12:2.

Uzye swemo tukacita uli antu nga yakutucuzya pa mulandu nu utailo witu? Aina Klistu acumi ‘ndi yayacitila iciipe yasicitila antu yayo iciipe’ foo. (Loma 12:14, 17) Nga tukukolanya Klistu uwazizimizye lino wacuulanga, tulazanga pano ale tukuzanzya Leza.—Mate. 5:10-12; 1 Pet. 4:12-14.

TAMBINI VIDYO IYAKUTI IZINA LYAKWE YEOVA LYACINDAMA CUZE, NGA ALINO MWASUKE MAUZYO YAA:

• Uzye Nkazi Gertrud Pötzinger* waomvyanga uli insita yakwe lino wali umu cifungo?

• A macuzi ci yano Umwina Marten na Nkazi Gertrud Pötzinger yakwataga lino yayatwalanga umu nkambi zipusane pusane?

• I cani icayazwile ukuzizimizya?