Yonsi aakalondesya ukuteekwa nu Wene Wakwe Leza, yalinzile ukwezya apapezile amaka yao ukusambilila apa Wene alino na vino wacita. U mulandu ci? Pano ukucita vivyo kutalalenga yataile sile ukuti Uwene Wakwe Leza ukuteeka, lelo kulalenga nu kuti yanenako yauze ilandwe lisuma pa Wene wakwe Leza. (Masa. 45:1; 49:3) Fwandi lino mukutamba vidyo iikuti Vino Uwene Waomba pa Myaka 100 Yakutandikilako, muzane amasuko uku mauzyo yaa ali apisika:

1. U mulandu ci uno antu atambanga ivikope vino yatangi “Photo-Drama of Creation” yuvwilanga ningo?

2. Uzye yaomvyanga uli maledyo uku kusimikila antu ilandwe lisuma?

3. I nzila ci nazyuze zino yaomvyanga pa kusimikila ilandwe lisuma, nupya ivisuma ci ivyacitike?

4. Uzye ukusambilila pali vino tungasimikila ningo kwalunduluka uli apa myaka iingi?

5. A masambililo ci yano asambi ayanga ukwi Sukulu Lya Gilyadi yasambililanga?

6. U mulimo ci uno amaukongano ya citungu yaomba umu kusambilizya antu yakwe Yeova?

7. I vyani ivikalenga musininkizye ukuti Uwene Wakwe Leza ukuteeka?

8. Uzye tungavwilizya uli Uwene Wakwe Leza?