VINO SWE INA KLISTU TWAAYA
Kuomba Ningo Umu Mulimo—Kuomvya Mavidyo pa Kusambilizya
CINO CACINDAMILA:
Mavidyo yangalenga ukuti antu yaelenganya sana pali vino yalola papo kwene alino nu kuvwa. Cii cikalenga nu kuti yaalondesya ukwikisyako sana mano alino nu kucita vino yalola. Yeova watulanga ningo vino tungaomvya ivikope pa kusambilizya.—Mili. 10:9-16; Umbw. 1:1.
Mavidyo aakuti Uzye Leza Wakwata Izina?, Uzye Amazwi Aya Muli Baibo Akwe Weni?, na Tungasinikizya Uli Ukuti Vino Baibo Yalanda i Vya cumi? yaya umu masambililo 2 na 3 umu kabuku kakuti Ilyasi Lisuma. Lyene mavidyo aakuti U Mulandu ci Uno Mulinzile Ukusambilila Baibo?, I vyani Vikacitika pi Sambililo Lya Baibo?, na I vyani Vikacitika pa Ng’anda ya Wene? yakakomelezya antu ukuti yasambilila Baibo naswe nanti ukuti yazanwa umu kulongana ukwa pa cilongano. Mavidyo yamwi akulu nayo kwene tungayaomvya lino tukusambilizya asambi Baibo.—km-CW 5/13 3.
VYA KUCITA:
-
Mwakopela calimwi vidyo ino mukulonda ukuyatambisya wino mukusimikila
-
Mwapekanya iuzyo lyonga nanti yaili aakwasukwa muli vidyo
-
Mwatamba capamwi vidyo
-
Mwalanzyanya pa visinka ivikalamba
EZYINIKO UKUCITA VII:
-
Piliulini kapepala ki landwe ukucisila, lyene muye pali kakodi aka kumutwala kuli vidyo iyakuti, U Mulandu ci Uno Mulinzile Ukusambilila Baibo?
-
Tambisyini vidyo iyakuti Tungasininkizya Uli Ukuti Vino Baibo Yalanda i Vya cumi? Lyene peelini wino mukusimikila kabuku kakuti Ilyasi Lisuma, mulande ivili umwi sambililo 3
