Lino tutatala twapingulapo pali vimwi vikulu nanti vinono, cingazipa kuyuzya sweineco tuti, ‘Uzye Yeova akaelenganyapo uli pali vii?’ Nanti icakuti tutanga tumanye vyonsi vino Yeova akaelenganya pa vintu vimwi, watunenako vimwi kupitila umwi Zwi lyakwe ivingatwazwa kuya aiteyanye “kucita misango yonsi ya vicitwa visuma.” (2 Tim. 3:16, 17; Loma 11:33, 34) Yesu wamanyile ukulonda kwako Leza nupya ali cino wakolezyanga mu umi wakwe. (Yoa. 4:34) Pa kuti twakolanya Yesu, tulinzile ukulaezya papezile maka itu pa kuti twazanzya Yeova muli vyonsi vino tukucita—Yoa. 8:28, 29; Efes. 5:15-17.

TAMBINI VIDYO YAKUTI TWALILILINI UKWELENGANYA PALI VINO YEOVA AKALONDA (LEVI 19:18), LYENE MWASUKE MAUZYO YAA ALONDELELAPO:

• U mulandu ci uno tulinzile kulondela ivisinte vya muli Baibo mu umi witu?

• I visinte ci vya muli Baibo ivingatwazwa lino tukusoolola inyimbo zya kukutikako?

• I visinte ci vya muli Baibo ivingatwazwa lino tukusoolola ivya kuzwala ni vya kuiyemvya?

• Aemwi na muze muno tungaomvya visinte vya muli Baibo?

• I vyani vino tungacita pa kuti twamanyilako vino Yeova akalonda twacita?