U mulandu ci uno tulinzile ukusoolwela ningo ivyakuizanzya? A pa mulandu wakuti ndi twasoolola fyumu wa kutamba, ulwimbo, webusaiti ino tungayapo, ibuku lya kuwelenga nanti cangalo ca pa intaneti ala tukusoolola ivyakuti twaelenganyapo. Vino tukasoolola vingalenga tuye ni miyele isuma nanti ipe. Nomba icipako i cakuti mu vyakuizanzya ivyayako ndakai mwaya sana ivintu vino Yeova wapata. (Masa. 11:5; Gala. 5:19-21) Ali cino Baibo ikatukomelezezya ukutwalilila ukwelenganya pa vintu ivikalenga Yeova ukucindikwa.—Filipi 4:8.

TAMBINI VIDYO YAKUTI I VYAKUIZANZYA VYA MUSANGO CI VINO NDINZILE KUSOOLOLA? LYENE MWASUKE AMAUZYO ALONDELELAPO:

• Uzye ivyangalo vino aina Loma yateyanga mpiti vyakolana uli ni vyakuizanzya vimwi ivyayako ndakai?

• Uzye amu cilongano yangazwilizya uli acance ukusoolola ningo ivyakuizanzya?

• Uzye ilembelo lyakwe Loma 12:9 lingatwazwa uli lino tukusoolola ivyakuizanzya?

• I vyakuizanzya ci ivisuma sana ivyaya umu ncende inu?