Umu vilongano vitu mwaya yamwi aombela Yeova apa myaka iingi. Tungasambilila kuli vino yataila sana Yeova. Tungayuzwa pali vimwi ivyacitika umwi iuvi lyakwe Yeova na pali vino Yeova wayazwilizye ukucimvya intazi. Tungayama nu ku kupepa kwa lupwa nu kuyuzya pali vino vyayacitikila.

Ndi cakuti mwaombela Yeova pa myaka iingi mwaitemelwa ukuneena acance vino Yeova wamwazwa. Yakobo na Yosefu yanenyile anao vino Yeova wayacitiile. (Utan. 48:21, 22; 50:24, 25) Yeova wanenyile imitwe ya ndupwa ukusambilizya anao pa milimo yakwe iya maka. (Malan. 4:9, 10; Masa. 78:4-7) Ndakai avyazi alino na antu yauze umu cilongano yanganeena acance ivisuma vino yalola vyacitika umwi iuvi lyakwe Yeova.

TAMBINI VIDYO YAKUTI: TWALILILINI UKUYA ALEMANE NA LINO YAINDA UMULIMO WITU ALINO MUZYE MAUZYO ALONDELELAPO:

• Uzye umusambo waku Austria wazwilizye uli aina mu mpanga zino yainzile umulimo witu?

• Uzye aina umu mpanga zii yatwalilile uli ukukomya utailo wao?

• Uzye ya kasimikila aingi umu Romania yaipaatwile uli ukwi uvi lyakwe Yeova nupya yawezile uli?

• Uzye ivyacitikile aina vyakomya uli utailo winu?