Akabuku kaakuti Mwauvwila Leza, kapangwa uku sambilizya icumi ca muli Baibo ukuomvya ivikope kuli yayo yano cikatalila kuwelenga. Cila sambililo likakwata ivikope vya kulanzyanya apa mafwa yaili, yakalangilila vino vikonkiine pakuti cayangupala lino mukulanzyanya.

Akabuku kakuti Mwauvwila Leza Alino Mulikala Amanda Pe nako kwene kapangwa cili conga na kabuku kakuti Mwauvwila Leza, lelo kakene kakwata vilembo vingi nupya kangaomviwa ku yasambi akuti yamanya ukuwelenga. Ilingi ya kasimikila yatemwa kuomvya kabuku kaa ala umusambi nawe akuomvya akakuti Mwauvwila Leza. Apa mafwa aingi pakaya kambokosi muno mwaya ivyeo na vyuze vino mungalanzyanya nu musambi kulingana na vino aali.

Tumabuku tuu tonsi, mungapeela antu lyonsi nanti icakuti umwezi uwo asi tuno mukupeela. Lino mukutungulula isambililo, mwaomvya ivikope apa kulondolola ivyaya muli Baibo. Mwauzya mauzyo pakuti musambi auvwikisya vino mukusambilila. Mwawelenga nu kulanzyanya malembelo aakaya apisika iifwa. Ndi mwamala ukusambilila nu musambi mu kabuku kaa, mwatandika ukusambilila umwi buku lyakutiUzye Baibo Ikasambilizya Ukuti Uli? nanti lyakutiUzye Baibo Ikatusambilizya Vyani? pakuti umusambi aalunduluka.