CINO CACINDAMILA: Ndi cakuti yakupekanya, cingayazwa ukuvwikisya nu kwiusya vino tukuyasambilizya. Ndi yakuvwikisya nu kwiusya cingalenga yalunduluke zuwa. Na lino iza yawatiziwa, cingalenga yalola vino cacindama ukupekanya ukulongana pakuti yatwalilila ukuya “apempule.” (Mate. 25:13) Fwandi mwamanya vino mungaayasambizya ningo ivingayazwa mu umi wao onsi. Lino twatandika sile ukusambilila nayo, tulinzile ukuyasambilizya ivyakupekanya isambililo pakuti yaelezya ukupekanya lyonsi.

VYAKUCITA:

• Mwatandikilapo ukupekanya. (Loma 2:21) Lino mukupekanya cila sambililo mwaelenganya pa musambi. (km-MWL 11/15 3) Lekini umusambi alola ukuti imusila mwi buku linu

• Mwamukomelezya ukuti apekanya. Lino mwatandika sile ukusambilila nu musambi, lekini amanye ukuti ukupekanya kukalondekwa, nupya mulondolwelini usuma uwaya mu kupekanya. Mwamulanga vino angatantika ningo insita yakupekanya. Ya katungulula yamwi yakaleka musambi aomvya ibuku lyao lino iyasila lino yakusambilila pakuti alola vino cacindama kupekanya. Mwamutaizya nga watapekanya

• Mwamulanga ivya kupekanya. Pa muku wakutandikilapo sile, ya kasambilizya yamwi yakaomvya insita isambililo ukulangilila musambi vino angacita pa kupekanya