Mavidyo, vilangililo ni vikope vikalenga antu ukwika amano kuli vino yakusambilila na cico cingayazwa ukuvwikisya nu kwiusya vino yasambilila. Kasambilizya Wapapelapela Yeova waomvizyeko vintu vii pa kusambilizya masambililo acindame. (Utan. 15:5; Yele. 18:1-6) Na Kasambilizya Mukulu kwene Yesu nawe kwene waomvizyeko ivintu kwene vii. (Mate. 18:2-6; 22:19-21) Cintu conga icazwa sana antu mu myaka ya ndakai a mavidyo. Uzye mukaomvya ningo mavidyo lino mukusambilizya asambi inu?

Twakwata mavidyo 10 aapangilwa ku kutwazwa kusambilizya ningo asambi lino tukuyasambilizya mu kabuku kakuti Ilyasi Lisuma Lino Leza Akutuneena! Ilingi, umutwe wakwe vidyo yonga na yonga ukalemana sana na mauzyo aaya mu vilembo vitifi mu masambililo aya mu kabuku kwene kaa. Kabuku kaa ka pa intaneti kakwata malinki akutwiusyako lino tungatambisya musambi vidyo imwi pali yaa. Nupya, kwaya mavidyo na yauze aakatwazwa kusambilizya ningo lino tukuomvya impapulo zyuze izyaya pa Viombelo Vino Tukaomvya pa Kusambilizya.

Uzye mukusambilila nu musambi api lyasi limwi ilya muli Baibo ilikumutalila kuvwikisya? Nanti uzye musambi akweti intazi zimwi? Mungalondako mavidyo yamwi pa jw.org® nanti pa JW Broadcasting® angamwazwa kulingana na vino akupitamo. Limwi mungatambila pamwi mavidyo yayo nu kulanzyanya.