UMULANDU UNO CACINDAMILA: Ibuku lyakwe 1 Kolinto lyaya pa makalata 14 yano mutumwa Paulo walemvile pa kukomelezya aina Klistu yauze. Kalata ikaazwa aakulemba kukwata insita ya kusoolola ningo amazwi, nupya uwapokelela angaiwelengamo miku ingi. Kulemba makalata i nzila isuma ino tungasimikililamo kuli ya lupwa ni vyuza. Nupya inzila ii ingaomba ningo na kuli yano tutaatala twakwatapo isyuko lya kuvwanga nayo. Limwi umwi angatemwa kusambilila icumi nomba ala asizanwa pa ng’anda. Yamwi nayo mu cifulo cino tukasimikilamo cingatutalila kufika pa mwao pa mulandu wa kuti yakaikala ku ncende zino yasizumilizya antu kuyako sana, pa mang’anda acingililwa sana, nanti yakaikala ku ncende kuno yaya sile yonga. I vyani vimwi vino tulinzile ukwiusya lino tukulemba kalata sana sana ku antu yano tutamanya?

IVYAKUCITA:

• Lembini vino mungalanda ndi cakuti muli nu muntu wiyo. Mulinzile kuilondolola pa kutandika sile, nu kulondolola mulandu uno mwalembela kalata. Limwi cingazipa kuuzya iuzyo ilingalenga muntu ukwelenganyapo, nupya mungamutungulula na kuli webusaiti itu. Lyene munenini pa Masambililo Amuli Baibo aingi aaya pa intaneti, pali vino tukasambilizya antu Baibo pa mwao, nanti mungalemba ni mitwe ya vipande imwi pa masambililo yano tukasambilila na antu. Mungikamo ni mpapulo zimwi wakwe, kakaadi kakwe jw.org, kapepala ka kwamilapo antu, nanti kapepala ki landwe

• Mutalinzile kuvuzya ivyeo. Mungalemba sile vilinge ivyakuti muntu atanga atendwe kuwelenga.—Loliniko ivyakulemba kalata apifwa 8

• Mulinzile kupitulukamo, nu kulola nga vikuloleka ningo. Mulinzile ukusininkizya ukuti amazwi aalimo yakulanga ucuza nupya asuma. Mulinzile ukwikapo masitampu akumanile.