• Mulinzile kuomvya adelesi inu. Ndi cakuti mwalola ukuti citanga ciye ningo kuomvya adelesi inu, mungaomvya iya pa Ng’anda ya Wene ndi cakuti ya eluda yamuzumilizya. Lelo, MUTALINZILE kuomvya adelesi yi ofesi lya musambo ukuti ali ino yakamuwezezyepo.

• Mungikapo izina lya muntu ndi cakuti imumumanya. Kucita vii kungalenga wino mukutumila kukanalola kwati mukumumanyisya pa vya uculuzi.

• Mutaaluvyanya mazwi, milembele, alino ni vimanyililo vya milembele. Mulinzile ukulemba usaka usaka. Ndi mwalemba ku minwe, mufwile ukulemba ivikuloleka vino muntu angawelenga ningo. Mulinzile ukulemba mu mucinzi.

Kalata iyalondelelapo ikulanga visinka vino twalandapo. Asi kuti avino mulinzile kukopolola lyonsi lino mukulembela umwi mu cifulo cino mukasimikilamo. Mungasenulako mumwi kulingana na vino mukulonda, ivikacitika ku mwinu alino ni ntambi izyayako.