MULANDU UNO CACINDAMILA: Impafu izingi zitatemwa ukulanda na antu yano zitamanyile. Fwandi, cikalondekwa ukumanya ningo ivya kusimikila antu ya musango uu. Yeova akasakamala sana impafu. (Levi 19:14) Tungamukolanya ndi cakuti tukwazwa impafu ukusambilila pali Leza.

IVYA KUCITA:

• ‘Mwalonda’ ukungazanwa impafu. (Mate. 10:11) Uzye mwamanyako umwi uwakwata lupwa wakwe impafu? Uzye umu cifulo cinu ica kusimikilamo, mwaya amasukulu nanti cifulo kuno yakasungila impafu?

• Mwalanga ukuti imuzikako sana mano. Ndi cakuti muli na ucuza nu kulanga ukuti mukasakamala sana impafu, cilalenga ukuti zyatemwa sana ukulanzyanya namwe. Mwaezya ukutandika ukulanzyanya ukuomvya ivintu ivikacitika uku ncende kwene iyo

• Mwazyazwa muli vyakwe Leza. Pa kwazwa impafu, iuvi litu lyapanga impapulo umu vilembo vyao. Mwayuzya inzila ino yangatemwa ukuomvya pa kusambilila. Mwangalizi wa mulimo alinzile ukusinkizya ukuti muomvi wa mabuku waoda impapulo umu vilembo vya mpafu