Twakwata mavidyo 4 aakalanda api sambililo lya Baibo akuomvya umu mulimo wa kusimikila. U mulandu ci uno vidyo yonga na yonga yapangiilwe?

• U Mulandu ci Uno Mulinzile Ukusambilila Baibo?—Vidyo Yonsi, vidyo ii yaipanzile uku kulenga antu yalondesya ukusambilila Baibo usi mulandu na vino yazumilamo. Ikakomelezya antu ukulondelezya masuko muli Baibo uku mauzyo acindame pa umi, nupya ikalangilila vino Baibo yasuka mauzyo yamwi. Vidyo ii ikalondolola na vino umuntu angacita apa kuleenga isambililo lya Baibo.

• U Mulandu ci Uno Mulinzile Ukusambilila Baibo? (kaputulwa), kavidyo kaa kakolana na vidyo yonsi, lelo kene kakwata amamineti anono. Limwi kangaomba ningo sana umu vifulo muno antu yapamviwa sana.

• I vyani Ivikacitika pi Sambililo Lya Baibo? vidyo ii yaipanzile uku kulenga antu yalondesya ukusambilila Baibo naswe uwila sile nupya ikaasuka na mauzyo yamwi yano antu yakauzya sana pali vino isambililo lya Baibo likaya, ukwikako sile na vino umwi angacita apa kuleenga isambililo lya Baibo.

• Mwiza Mukwai Ukwi Sambililo Linu Ilya Baibo, vidyo ii yapanzilwe ukuti twatambisya asambi ya Baibo. Vidyo ii yaya apifwa lyakwe ciili umwi buku lyakuti Mungaya ni Nsansa Manda Pe! Nanti ciye vivyo, tungatambisya umuntu na lino tukusambilila nawe umu kabuku kakuti Mungaya ni Nsansa Manda Pe! Vidyo ii ikalondolola ivyaya umwi buku alino na vino umusambi angenekela ukuti ivilacitika lino akusambilila.

Nanti cakuti kwaya umulandu uno cila vidyo yapangiilwe, tungatambisya vidyo ili yonsi pali yaa nanti ukutumila umwi lino calinga ukucita vivyo. Ya kasimikila yakukomeleziwa ukumanya ningo mavidyo yaa nu kulayaomvya ningo umu mulimo wa kusimikila.