Maaci 17-23
MAPINDA 5
Lwimbo Na. 122 ni Pepo | Amazwi Aakuyulila Ukulongana (1 min.)
1. Mwataluka Ukukucita Uzelele
(10 min.)
Tungatunkwa ukucita uzelele (Mapi. 5:3; w00 7/15 ifwa 29 pala. 1)
Kucita uzelele kungalenga umwi ukuya nu ulanda alino nu kulanguluka pali vino wacisile (Mapi. 5:4, 5; w00 7/15 ifwa 29 pala. 2)
Mwataluka ukukucita uzelele (Mapi. 5:8; w00 7/15 ifwa 29 pala. 5)
Nkazi Mwina Klistu wakaana ukupeela umulumendo foni namba yakwe
2. Ukuvwikisya Sana Ivyaya Umu Malembo
(10 min.)
-
Mapi. 5:9—Uzye ukucita uzelele kungalenga uli ‘antu yauze yate ukucindika’ umwi? (w00 7/15 ifwa 29 pala. 7)
-
I vyuma ci vino mwazanyile umu kubelenga Baibo kwa mulungu uu vino mungatunenako?
3. Kubelenga Baibo
(4 min.) Mapi. 5:1-23 (th sambililo 5)
4. Vya Kutandika Ukulanzyanya
(3 min.) KUSIMIKILA UKUKAZANWA ANTU AINGI. Mwame umuntu umwi aasi Umwina Klistu ukuti akazanwe uku Ciusyo, nupya muomvye jw.org pa kumulanga ukwa kulonganila ukuli umupiipi na kuno akaikala (lmd sambililo 6 cisinka 4)
5. Kuswililako
(4 min.) KU NG’ANDA NI NG’ANDA. Lanzyanyini nu muntu uwazumile ukuti alazanwa uku Ciusyo nupya uwalangizye ukuti akulondesya ukumanyilapo na vyuze. (lmd sambililo 9 cisinka 5)
6. Mwapanga Asambi
(5 min.) lff sambililo 16 vino twasambilila, I vyani vino mwasambilila? na ezyini vii. Langini umusambi vino angazana icasuko ndi cakuti uzya nga Yesu watwazile. (lmd sambililo 11 cisinka 4)
Lwimbo Na. 121
7. Mwaelenganya Pali Vino Mungacita Pakuti Mutwalilile Ukuya Asanguluke Lino mu Kwizizyanya
(15 min.) Kulanzyanya.
Insita zimwi ukwizizyanya tungakulondolola ukuti ‘utusita tuno umonsi na mama yakaya pamwi nu kulanga ukuti yatemwana.’ Yangacita vivyo lino yali kuno kuli antu aingi nanti lino yali sile yoili, limwi yanganenako antu yauze ukuti yakwizizyanya nanti ukukana yanenako, yatanga yaizizyanya sile lino yali pamwi lelo insita zimwi yangaalanzyanya kuomvya foni nanti mameseji. Kwizizyanya asi icintu ca kumalilamo icitendwe, lelo inzila icindame ino yamwi yangaomvya pa kuipekanya ukwingila umu cupo. I vyani ivingazwa yonsi aakwizizyanya ciye acance nanti aikolo ukutaluka ukukucita uzelele?—Mapi. 22:3.
Tambisyini VIDYO iyakuti, Vino Mungaipekanya Lino Mutatala Mwatwala Nanti Ukutwalwa—Ciputulwa 1: Uzye Injipekanya Ukutandika Ukwizizyanya?—Kaputulwa. Alino muzye iumba mauzyo yaa:
-
U mulandu ci uno umwi atalinzile kutandika ukwizizyanya lino atatala waipekanya ukwingila umu cupo? (Mapi. 13:12; Luka 14:28-30.)
-
I vyani vino imwatemwa pali vino avyazi iyacita pa kwazwa umwana wao umukazyana?
Belengini Mapinda 28:26. Alino muzye iumba mauzyo yaa:
-
Uzye aakwizizyanya yangacita uli pa kuipekanyizizya limwi pakuti yatacita ivintu ivingalenga yacite uzelele?
-
U mulandu ci uno cayela ningo aakwizizyanya ukulanzyanyizizya limwi muno yalinzile ukupeleela lino yakulanga vino yatemwana, wakwe ukulemana makasa alino nu kutonsolana?
Belengini Efeso 5:3, 4. Alino muzye iumba iuzyo lii:
-
I vyani vino aakwizizyanya yalinzile ukumanya lino yakulanzyanya ukuomvya foni nanti intaneti?
8. Sambililo Lya Baibo pa Cilongano
(30 min.) bt cipa. 24 mapa. 1-6
