Pa mulandu wakuti tutamalilika, tulinzile ukutwalilila ukulwisya pakuti tutatungululwa ni vilondwa vya mwili. Ndi cakuti tukucita ivili vyonsi vino imili itu ikulonda, tungaponzya ucuza witu na Yeova. Pa mulandu nu kulondesya ivyakulya, ivyakuzwala, alino nu mwakwikala yamwi yata ukutemwa Leza. Yamwi nayo yakacita ivintu vipisye ivisiuvwana na masunde yakwe Leza pakuti sile yamale insuna. (Loma 1:26, 27) Yauze nayo yakazumila vino yauze yakuyapatikizya ukucita iviipe pakuti sile yayatemwe.—Kufu. 23:2.

Uzye tungacita uli pakuti tutatungululwa ni vilondwa vya mwili? Tulinzile ukwezya papezile amaka itu ukwika mano kuli vyakwe Leza. (Mate. 4:4) Nupya tulinzile ukulenga kuli Yeova ukuti atwazwa ukukanatungululwa ni vilondwa vya mwili. U mulandu ci? Pano wamanya ivingatuzipila nupya akatupeela ivintu ivsuma vino tukalondekwa.—Masa. 145:16.

TAMBINI VIDYO IYAKUTI MWATALUKA UKU KUPEEPA FWAKA PAKUTI MWACINGILILA UMI WINU, ALINO MWASUKE AMAUZYO ALONDELELAPO:

• I cani icikalenga antu yamwi yapeepa fwaka?

• Uzye muntu akupeepa fwaka umi wakwe ungaya uli?

• U mulandu ci uno ukupeepa fwaka nu kusunka insunko viipila? —2 Kol. 7:1

• Uzye ungacita uli pakuti ukaane itunko lya kupeepa fwaka nanti ukuta ukupeepa?