Lino impelelekezyo ya nsi ii ikuya ikupalama, tukwenekela ukuti vimvulunganya, upondo, alino ni nkondo vyakulavulilako sile. (Kuso. 6:4) Uzye tungaipekanya uli uku ntazi zili nu kucitika uku nkoleelo?

• Mwaipekanya Muli Vyakwe Leza: Mwalonda ivisinte vya masunde na malyasi angamyazwa ukutaila sana Yeova ni iuvi lyakwe alino nu kumyazwa ukutwalilila ukukanaika umu vikanza vya mu nsi. (Mapi. 12:5; jr mafwa 125-126 mapa. 23-24) Yii ali nsita iyakukomya ucuza witu na aina na ya nkazi umu cilongano.—1 Pet. 4:7, 8

• Mwaipekanya Lwa ku Mwili: Mwapangila calimwi vino mulaicingilila lino muli pa ng’anda alino nu kupekanya ivikulondekwa. Nupya mwapekanyizizya limwi vino mulacita ndi cakuti calondekwa ukufuma pa ng’anda. Mwapituluka muli vino mwika umu kacola kano mulaomvya nga kwacitika uzanzo nupya mwaikamo ivya kuomvya pa kuicingilila wakwe, ivyakuzwala uku minwe ni vya kucinga pa kanwa na pampuno alino nu lupiya. Mwakwata manamba yakwe ya eluda yano mungaomvya nga kwacitika vimwi, nupya mulinzile ukusininkizya ukuti nayo kwene iyakwata manamba inu.—Eza. 32:2; g17.5 mafwa 3-7

Lino Kuli Vimvulunganya, Mwatwalilila ukukomya ucuza winu na Yeova. (Filipi 1:10) Mutalinzile ukupitana kano nga calondekwa ukucita vivyo. (Mate. 10:16) Mwapeelako yauze ivyakulya alino ni vintu vyuze.—Loma 12:13.

TAMBINI VIDYO IYAKUTI UZYE IMUIPEKANYA UKU UZANZO? ALINO MWASUKE MAUZYO ALONDELELAPO:

• Uzye Yeova angatwazwa uli lino kwacitika uzanzo?

• I vyani vino tungacita pa kuipekanyizizya limwi uku mazanzo?

• Uzye tungazwa uli atiyaponelwa na mazanzo?