Yesu waomvyanga ivikucitika pa kusambilizya antu. (Luka 13:1-5) Namwe kwene mungaomvya ivikucitika pa kulenga antu yalondesya ukuvwa ilyasi pa Wene. Pa cisila ca kulanda pali vino ivintu ivikoma umutengo, mazanzo aakuiponela, ivimvulunganya, ukuomvya imilembo ikavulunganya uwongo, nanti vyuze sile ivikozileko, uzyini umuntu wino mukusimikilako iuzyo ilimalenga ukuti aelenganyepo sana. Limwi mungamuzya muti: “Uzye mukwelenganya ukuti tulalolako kuno . . . ?” nanti “Uzye mukwelenganya ukuti i cani cingacitwa pakuti . . . ?” Lyene mungalanzyanya nawe icikomo ica muli Baibo icaticilingana na vino imuzyapo. Ndi cakuti muntu akulondesya ukuvwa, mungamutambisya vidyo nanti kumulanga ulupapulo ulwaya pa Viombelo Vino Tukaomvya pa Kusambilizya. Lino tukwezya na maka ukufika pa myenzo ya antu aaya umu cifulo cino tukasimikilamo, lekini twacita “ivintu vyonsi pa mulandu wi lyasi lisuma.”—1 Kol. 9:22, 23.

A malyasi ci angalenga antu aaya umu cifulo cino mukasimikilamo yalondesya ukuvwa?