MULANDU UNO CACINDAMILA: Kuomvya foni pa kusimikila i nzila isuma iyakuombelamo umulimo “uwa kukosoola ilandwe lisuma.” (Mili. 20:24) * Inzila ii ikatwazwa ukusimikila sana uku yantu yano yasizanwa sana pa mang’anda nanti yano tutanga tuye pa mang’anda yao.

IVYAKUCITA:

• Mwapekanya. Mwasoolola ilyasi lino antu aingi yangatemwa ukuvwa. Mwalemba vino mukulonda ukuti mukalande. Nupya limwi mungapekanya ka meseji akiipi akakutumila umuntu ndi cakuti ataswike foni, akakulondolola umulandu uno imukutumila foni. Cingazipa ukupalamika ivyeo vino imulemba nanti ivintu vyuze vino mukulonda ukuomvya, wakwe foni; tabuleti nanti kompyuta ala imuyulila limwi JW Library^® nanti webusaiti ya jw.org^®

• Mwateeka umwenzo. Mwalanda umu civyalilwa. Mwamwentula nu kuomvya umwili kwati mukulola wino mukulanda nawe. Mutaimika ukulanzyanya na patalinzile. Cacindama ukuombako na yauze. Ndi cakuti wino musimikilako uzya iuzyo, mwaliswilizyapo umwi zwi lyuvwike pakuti wino mukuomba nawe amwazwe ukuzana icasuko.

• Mwalanda mazwi angaleenga wino mukusimikilako alondesya ukuti mukalanzyanye nawe nupya. Ndi cakuti umuntu waloleka ukuti akulondesya ukuvwa, mungamusiila iuzyo ilyakuti mukalanzyanye nawe umuku uze. Limwi mungamunena ukuti mungamutumila ulupapulo ukuomvya e-mail, mwemwe kwene mungamutwalila nanti ukutumilizya yamwi yamutwalile. Nanti mungamunena ukuti limwi mungamutumila meseji, kumutumila vidyo nanti vipande vimwi kuomvya e-mail. Nga cili sile ningo, mungamunenako pali vimwi ivyaya pa webusaiti itu.