Kufuma sile na mpiti, aomvi yakwe Leza yakaomba imilimo ingi iya kuzungusya, yasikwanisya ukuomba imilimo ii pa mulandu na maka yao, lelo Yeova aakayazwa. Mu 1954, iuvi lyakwe Yeova lyafumizye vidyo iyakuti Vino Iuvi Lyakwe Yeova Likaomba. Vidyo ii yapanzilwe na aomvi apa Betele aingi, aatamanyile ukupanga mavidyo. Umupasi wa muzilo wakwe Yeova, u walenzile ukuti mulimo uu ukome sana uombwe. Cii cikalenga tusininkizye ukuti tungakwanisya ukuomba umulimo uli onsi uno twapelwa, ndi cakuti twasintilila pali Yeova.—Zaka. 4:6.

TAMBINI VIDYO IYAKUTI KUPANGA VIDYO IYAKUTI “VINO IUVI LYAKWE YEOVA LIKAOMBA,” ALINO MWASUKE MAUZYA ALONDELELAPO:

• U mulandu ci uno yapingwililepo ukupanga vidyo, ikalanda pali vino maofesi yakalamba mu nsi yonsi yaya?

• Uzye umulimo wa kupanga vidyo, walangilile uli ukuti aomvi ya pa Betele yaya wa vilundwa vya mwili?—1 Kol. 12:14-20

• I ntazi ci zino aina na ya nkazi yakweti lino yapanganga vidyo, nupya yazicimvizye uli?

• Uzye vii ivyacitike vikutusambilizya vyani pa mupasi wa muzilo wakwe Yeova?