Ya nkazi yakaombesya sana umu mulimo wa Wene. (Masa. 68:11) Yakatungulula masambililo ya Baibo aingi nupya ya painiya ya nsita yonsi aingi aa nkazi. Ya nkazi aingi aakaombesya yakaombela pa Betele, kuomba umisyonali, kuomba umu makuule, nu kuomba umulimo wa kusenula. Ya nkazi aakula muli vyakwe Leza yakakomelezya indupwa zyao ni vilongano. (Mapi. 14:1) Nanti cakuti ya nkazi yatanga yaye ya eluda nanti aomvi akatumikila, yangimika mauyo muli vyakwe Leza. Ndi cakuti mwemwe ya nkazi, i vyani vimwi vino mungacita pakuti mwaombesya umwi uvi?

• Mwaya ni miyele ino Aina Klistu yalinzile ukukwata.—1 Tim. 3:11; 1 Pet. 3:3-6

• Mwaazwa ya nkazi mu cilongano aatatala yaombela Yeova pa Myaka ingi.—Tito 2:3-5

• Mwaombesya umu mulimo wa kusimikila nupya mwaomba ningo

• Mungasambilila ululimi luze

• Mungaya ukukalondekwa ya kasimikila aingi

• Munguzya ukuombako pa Betele nanti ukwazwilizya mu makuule

• Munguzya ukuya ukwi Sukulu Lyakwe ya Kakosoola ya Wene

TAMBINI VIDYO YAKUTI “ANACI AAKAOMBESYA UMU MULIMO WA MWENE,” ALINO MWASUKE IUZYO ILYALONDELELAPO:

• Uzye vino nkazi wenga na wenga atalanda vyamukomelezya uli?