Mapepo aakapokelelwa yaya wa kacena kasuma akafumanga pa malambo yano yapeelanga kuli Yeova api tempele cila wanda. (Masa. 141:2) Nga tukulanga Tata witu uwa kwi yulu ukuti twamutemwa nupya tukamutaizya, kumunena ivikutusakamika na vino tukulondesya, alino nu kumulenga ukuti aatutungulula, ala tukulanga ukuti twacindika ucuza witu na aliwe. Yeova akalola mapepo yano tukapepa lino tuli pa kulongana ukuti yacindama umu kupepa kwitu. Lelo, Yeova akauvwa ningo sana ndi cakuti lino tukupepa mapepo aa pa lwitu tukumunena vino tukwelenganya na vino tukuyuvwa alino nu kulanda nawe apa nsita itali.—Mapi. 15:8.

TAMBINI VIDYO IYAKUTI NATEMWA SANA UKUPEPA, ALINO MWASUKE MWAUZYO ALONDELELAPO:

• I milimo ci ino Umwina Johnson waipakizye ukuomba?

• Uzye Umwina Johnson wataile uli ukuti Yeova amaasuka amapepo yano wapepanga?

• I vyani vino imusambilila kuli vino vyacitikiile Umwina Johnson?