Novemba 18-24
MASAMU 107-108
Lwimbo Na. 7 ni Pepo | Amazwi Aakuyulila Ukulongana (1 min.)
1. ‘Mwataizya Yeova, Pano Wene Umusuma’
(10 min.)
Wakwe vino Yeova wafumizye Aina Izlaeli umu Babiloni, ali vino akatucingilila umu nsi ii yakwe Satana (Masa. 107:1, 2; Kolo. 1: 13, 14)
Vino Yeova akatucitila vikalenga ukuti twamulumbanya lino tuli pa kulongana (Masa. 107:31, 32; w07 4/15 ifwa 20 pala. 2)
Ukutemwa alino nu kutaizya Yeova kukakulilako ndi cakuti tukwelenganya sana pali vino akalanga ukutemwa ukupitila muli vino akatucitila (Masa. 107:43; w15 1/15 ifwa 9 pala. 4)
2. Ukuvwikisya Sana Ivyaya Umu Malembo
(10 min.)
-
Masa. 108:9—U mulandu ci limwi uwalenzile ukuti Moabu ya mukolanyizizye ku “musambilo,” nanti ca “kufulalilamo,” cakwe Leza? (it-2 ifwa 420 pala. 4)
-
I vyuma ci vino mwazanyile umu kubelenga Baibo kwa mulungu uu vino mungatunenako?
3. Kubelenga Baibo
(4 min.) Masa. 107:1-28 (th sambililo 5)
4. Vya Kutandika Ukulanzyanya
(3 min.) KUSIMIKILA KONSI KUNO TULI. (lmd sambililo 1 cisinka 4)
5. Kuswililako
(4 min.) KUSIMIKILA KONSI KUNO TULI. Munene wino mu kusimikilako pali vino tukasambilizya antu Baibo, nupya mumupeele kakaadi kakulengelapo isambililo lya Baibo. (lmd sambililo 9 cisinka 3)
6. Lyasi
(5 min.) ijwyp 90—Mutwe: Uzye tungataluka uli imyelenganyizizye iipe? (th sambililo 14)
Lwimbo Na. 46
7. Tukataizya Yeova Lino Tukumwimbila Inyimbo
(15 min.) Kulanzyanya.
Pa cisila cakuti Yeova wapususya Aina Izlaeli pali Yemba Muyenzu ku yasilika ya maka Aina Ijipti, antu yakwe yimvile ulwimbo ulwa kutaizya Yeova. (Kufu. 15:1-19) Aonsi yatandike ukwimba ulwimbo luu ulupya. (Kufu. 15:21) Yesu alino na Aina Klistu akutandikilako nayo kwene yalumbanyanga Leza lino ya kwimba. (Mate. 26:30; Kolo. 3:16) Tukatwalilila ukulanga ukuti tukataizya Yeova ukupitila umu kwimba inyimbo lino tuli pa kulongana kwa pa cilongano, ku ukongano wa ciputulwa, alino nu ku ukongano wa citungu. Wakwe ulwimbo luno twafuma twimba ulwakuti, “Yeova Tukakutaizya,” lwatwalilila ukuomviwa pa kulongana kwitu ukufuma mu 1966.
Umu ncende zimwi antu yamwi yakalola ukuti citaya ningo ukwimba inyimbo pa yantu. Yauze nayo yasilonda ukwimba pano yakaelenganya ukuti yatakwata amazwi asuma. Nanti ciye vivyo tulinzile ukwiusya ukuti ukwimba inyimbo lino tuli pa kulongana yaya inzila ya kupepelamo Yeova. Iuvi lyakwe Yeova likaombesya pakuti lipekanye nu kusoolola inyimbo zino tungimba lino tukulongana. Cino swensi kwene tulinzile ukucita u kwimbila pamwi lino tuli pa kulongana pa kulanga ukuti twatemwa Tata witu uwa kwi yulu nupya tukamutaizya.
Tambisyini VIDYO iyakuti, Vino Ivintu Vyali Umwi Uvi Litu— Inyimbo, Ciputulwa 2. Alino muzye iumba mauzyo yaa:
-
I vyani ivyacitike mu 1944?
-
Uzye aina amu Siberia yalangilile uli ukuti yataizyanga lino yakwimba inyimbo zya Wene?
-
U mulandu ci uno ukwimba kwacindamila sana kuli Ya Nte Yakwe Yeova?
8. Sambililo Lya Baibo pa Cilongano
(30 min.) bt cipa. 18 mapa. 6-15
