Yesu watuuzile umi wakwe kuti akulule antu atamalilika. (Loma 5:8) Kwene swensi kwene tukataizya sana pali vino Yesu walangizye ukutemwa icakuti atuula nu umi wakwe. Nomba insita zimwi tufwile twaiusya ukuti Klistu wafwilile na ina itu kwene. Uzye tungacita uli pakuti tutemwe aina itu aatamalilika wakwe sweswe kwene ndi vino Klistu wayatemilwe? Elenganyini pa nzila zitatu. Ca nkoleelo tungapangilapo ivyuza na vyuze pakuti tukwate na antu a nkulilo zipusane ni zitu. (Loma 15:7; 2 Kol. 6:12, 13) Cakwe ciili, tungasoolola ningo amazwi aakulanda ni vicitwa pakuti tutaasosya yauze. (Loma 14:13-15) Ni ca kusyalikizya, ngi cakuti umwi watuluvyanya, tungamweleela zuwa. (Luka 17:3, 4; 23:34) Ngi cakuti tukwezya na maka ukukolanya Yesu mu nzila zii, Yeova alatwalilila

MUTAMBE VIDYO IYAKUTI MUYE AYEMBE UKULUTA!LYENE PA CISILA MWASUKE MAUZYO AALONDELELAPO:

• Uzye Miki pa kutandika welenganyanga uli apa cilongano cino walimo?

• I cani calenzile kuti asenuke muli vino welenganyanga?

• Uzye imiyele yakwe Yesu yazwile uli Miki kuti asenuke? (Mako 14:38)

• Uzye Mapinda 19:11 ingatwazwa uli kuti twaelenganya ivisuma apa ina itu?