VINO SWE INA KLISTU TWAAYA
Kutemwa U Kukamanyisya Aina Klistu Yacumi—Mutaaya na Ukaitemwe Napya Mutasepukilwa
CINO CACINDAMILA: Yesu wasambilizyanga ukuti ukutemwa u kwali nu kumanyisya aali asambi yakwe acumi. (Yoa. 13:34, 35) Pakuti twatemwa antu ndi vino Klistu wayatemilwe, tufwile ukwika amano kuli vino yauze yakulonda nupya tutafwile ukuya asepukilwe.—1 Kol. 13:5.
VINO MUNGACITA:
Ngi cakuti umuntu umwi walanda nanti wamucita cimwi cino camuwavya umwenzo, mwatala umuteekela nu kwelenganya pa caticilenga uwavya ni vingacitika nga mwacita vino mukwelenganya.—Mapi. 19:11.
Mwaiusya ukuti swensi kwene tutamalilika, nupya insita zimwi tungalanda nanti ukucita ivintu vino pa cisila tungiiza twalanguluka
Mwawikizyanya zuwa
TAMBINI VIDYO IYAKUTI “MWATEMWANA”—MUTAAYA NA UKAITEMWE NAPYA MUTASEPUKILWA,” PA CISILA MWASUKE MAUZYO AALONDELELAPO:
I vyani vino ya Larry yacisile ivikulangilila ukuti yasosile zuwa pali vino ya Tom yalanzile?
Uzye ukuteekako umwenzo kwazwile uli ya Tom kuti yatasoka?
Uzye vino ya Tom yaswike mukuteekela kwalenzile uli ukuti ivintu vizipe?
Uzye i visuma ci ivikacitika mu cilongano ndi cakuti tuli aatekele lino yamwi yatusosya?
