I miyele ci ino mukalonda cuza winu kukwata? Limwi mungatemwa aye na ucisinka, cikuuku, alino na ukapekape. Yeova wakwata miyele yonsi ii. (Kufu. 34:6; Mili. 14:17) Akauvwa nga mwapepa kuli aliwe. Angamwazwa pa nsita ino mukulonda uwazwilizyo. (Masa. 18:19, 35) Akamwelela nga mwaluvyanya. (1 Yoa. 1:9) Yeova acuza musuma sana!

Mungacita uli pakuti muye ya cuza yakwe Yeova? Mwasambilila pali aliwe kupitila mu kuwelenga Baibo. Mwamulondolwela vino mukuyuvwa. (Masa. 62:8; 142:2) Mwalanga ukuti mwacindika vintu vino Yeova wacindika, wakwe, Umwanakwe, Uwene wakwe, alino na vino watulaya ukuti vilacitika ku nkoleelo. Mwanenako yauze pali aliwe. (Malan. 32:3) Ndi cakuti mwaya ya cuza asuma yakwe Yeova, alaya cuza winu manda pe.—Masa. 73:25, 26, 28

TAMBISYINI VIDYO YAKUTI: MWE YACANCE—“MUYUVWILE MWEISIKULU USUMA WAKWE YEOVA,” ALINO MUZYE MAUZYO ALONDELILEPO:

• Uzye mungaipekanya uli pakuti muipeele nu kuwatiziwa?

• Uzye amucilongano yangazwa uli yauze pakuti yaombela Yeova?

• Uzye umulimo wa kusimikila ukakomya uli ucuza winu na Yeova?

• I vyani vino mungaombako mu mulimo wakwe Yeova?

• I vyani vino mukataizizyapo Yeova?