Ya Nte Yakwe Yeova yakwata isyuko liiyele. Vino sweswe Aina Klistu aipeela nu kuwatiziwa, tukatwalilila kupanga ucuza ukome na Kateeka Uwa Maka Yonsi, Yeova. Akatupalamika kuli aliwe kuomvya umwanakwe. (Yoa. 6:44) Akauvwa mapepo itu.—Masa. 34:15.

Tungacingilila uli ucuza witu ucindame na Leza? Conga cino tungacita, ukutaluka ku viipe vino Aina Izlaeli yacisile. Lino papisile sile insita inono kufuma pano Aina Izlaeli yapangine upangano na Yeova, yapanzile akana ka ng’ombe kakwe goldi nupya yatandike kupepa tuluwi. (Kufu. 32:7, 8; 1 Kol. 10:7, 11, 14) Tulinzile kuyuzya sweineco tuti: Uzye nkacita uli ndi cakuti natunkwa kucita iviipe? Uzye vino nkacita vikalangilila ukuti nacindika ucuza wane na Yeova? Kutemwa sana tata witu uwa kwiyulu kulatwazwa kutaluka ku vintu vino wapata.—Masa. 97:10.

TAMBINI VIDYO YAKUTI: MWACINGILILA UCUZA WINU NA YEOVA (KOLO. 3:5), LYENE MWASUKE MAUZYO ALONDELELAPO:

• Uzye ulwiswa i cani?

• U mulandu ci uno tulinzile kutaluka ulwiswa nu kupepa utuluwi?

• Uzye ucende nu kupepa tuluwi vyakolana uli?

• U mulandu ci uno yayo apeelwa imilimo mwi uvi lyakwe Leza yalinzile kusininkizya ukuti yakupeela ya wao vino yakalonda?