CINO CACINDAMILA: Kulongana kukalenga ‘twaimbila Yeova’ alino nu ‘kumulumbanya.’ (Masa. 149:1) Ku kulongana ali kuno tukaya umu kusambilila vino tungaacita ukulonda kwakwe Leza. (Masa. 143:10) Antu aatemwa sana ukusambilila Baibo alino na asambi itu ilingi yakalunduluka sana ndi yatandika ukulongana.

VYA KUCITA:

• Mwayalalika ukuti yaiza uku kulongana. Mutalinzile ukulolela ukuti mulamulalika ndi mwatala mwalengela sana ukusambilila.—Umbw. 22:17

• Mwalondolwela umuntu akulondesya ukusambilila pakuti amanye ivikacitika uku kulongana alino ni vyeo ivilasambililwa umulungu ulondelilepo. Vino mungaomvya pa kukomelezya asambi aevi: Kapepala kakuyamila uku kulongana, vidyo iyakuti I Vyani Vikacitika pa Ng’anda ya Wene?, alino na masambililo 5 na 7 aaya umu kabuku kakuti Aaweni Aakacita Vino Yeova Akaalonda?

• Mwayavwilizyako. Uzye umuntu aakulondesya ukusambilila Baibo akulondekwa ukumusenda nanti ukumwavwa ukusolola ivya kuzwala vilinge? Mwaikala umupiipi nawe lino muli mu kulongana nupya mwaomvya nawe impapulo zino mukweti. Munganenako na yauze pakuti umuntu wiyo yamumanye