Ndi cakuti umwana ali wino twazana pa ng’anda, tulinzile ukumuneena ukuti tulande na avyazi yakwe. Ukucita vivyo kungalanga ukuti itucindika utunguluzi wa ya vyazi. (Mapi. 6:20) Ndi cakuti umwana watunena ukuti twingile umu ng’anda, tufwile ukukana. Ngi cakuti avyazi yasipo, tulinzile ukuca swililako insita yuze.

Ngi cakuti umwana uwikolo, limwi ali ni myaka 15 ukufika kuli 19, nalyo kwene tulinzile ukumuzya ndi cakuti avyazi apano yali. Ndi yasipo, limwi tungamuzya atunene ngi cakuti avyazi yakwe yangamuzumilizya ukuwelenga ivyeo vimwi. Nga yangamuzumilizya, tungamupeela lupapulo nupya limwi tungamunenako na vino angazana ivyeo ndi wayula jw.org.

Ndi cakuti twaswililako uku mwance umwi wino watemilwe lino twamusimikile, tulinzile ukumuneena ukuti tulande na avyazi yakwe. Kucita vivyo kungalenga tuyalondolwele ningo cino tuyilile nupya tungalanga ukuti twacindika nu kutaila ukusunda ukwaya muli Baibo ukukalanda pa lupwa. (Masa. 119:86, 138) Kuya nu mucinzi alino nu kulangulukilako avyazi kulalenga twasimikila ningo nupya kulalenga ukuti twasimikila ilandwe lisuma kuli yano yakwata indupwa.—1 Pet. 2:12.