Ndi cakuti catutalila ukuzana incito, cingatutalila ukukolezya Uwene nu ulungami wakwe Leza umu umi witu. Limwi tungatunkwa ukutandika ukuomba incito ingalenga catutalila ukuombela Yeova ningo nanti isiiuvwana ni visinte vyakwe. Nomba nanti ciye vivyo, tungasininkizya ukuti Yeova “akapeela maka akucimvya kuli yayo yano imyenzo yao ikamufukilila.” (2 Mila. 16:9) Kusi icingalenga Tata witu uwaya nu kutemwa afilwe ukutwazwa nanti ukutupeela ivikalondekwa. (Loma 8:32) Fwandi, lino tukusoolola incito ino tukulonda ukuti twaomba tulinzile ukutaila Yeova nu kwika mano uku kumuombela.—Masa. 16:8.

TAMBINI VIDYO IYAKUTI MWAOMBELA YEOVA NU MWENZO ONSI, ALINO MWASUKE MWAUZYO ALONDELELAPO:

• U mulandu ci uno ya Jason yakaniile ukupoka mafisakanwa?

• Uzye tungaomvya uli ilembo lyakwe Kolose 3:23?

• Uzye ivisuma vino ya Jason yacitanga vyazwilizye uli ya Thomas?

• Uzye tungaomvya uli Mateo 6:22?