Mu Novemba, tulaombako umulimo uwa kuneena antu ilyasi lisuma ilyakuti insi ipya ili mupiipi. (Masa. 37:10, 11; Kuso. 21:3-5) Mutantike ningo ivintu pakuti mukaombeko muli kampeni ii. Ndi cakuti mwalembesya ukuti mukaombeko upainiya wa nsita inono umu mwezi uu, mungasoololapo ukuomba maawazi 30 nanti 50.

Muipekanye ukuti mukaneeneko antu aingi api lembo ilikalanda pa nsi ipya. Lino mukusoolola icikomo ica muli Baibo, mukalola icingazwa antu aya umu cifulo cinu. Ndi cakuti umwi walanga ukuti akulondesya ukuvwa pa muku wa kutandikilapo kwene, mukamupeela Lupungu Lwa Mulinzi Lwa Yantu Yonsi lwakwe Na. 2 2021. Lyene mukaezya ukuswililako zuwazuwa nu kutandika isambililo umu kabuku kakuti Mungaya ni Nsansa Manda Pe! Cikatuletela uluzango ukuneenako yauze ‘ilandwe lisuma ilya vintu visuma’!—Eza. 52:7.

TAMBINI VIDYO IYA LWIMBO ULUPUSANEKO ULWAKUTI INSI IPYA IILAYAKO, ALINO MWASUKE MAUZYO ALONDELELAPO:

• I visuma ci ivilacitika uku nkoleelo vino kakazyana ikakwelenganyapo?

• I vyani ivilayako umu nsi ipya vino mukalondesya?

• Uzye ukwelenganya pa upalilo winu kungamwazwa uli kuti mukaombesye muli kampeni iilayako umu Novemba?—Luka 6:45