Tuli ni nsansa ukukwata akabuku akapya ni buku ilipya ivyakuomvya pa kusambilizya Baibo. Tukupepa ukuti Yeova aatupaala lino tukuombesya pakuti tupange asambi apya. (Mate. 28:18-20; 1 Kol. 3: 6-9) Uzye tungaomvya uli iviombelo vii ivipya?

Pa mulandu wakuti miomvyezye ii buku lii ilipya ilyakuomvya pa kusambilizya antu Baibo ilyakuti Mungaya ni Nsansa Manda Pe! ivipusana na vino tukaomvya mabuku yauze, mulinzile ukulondela vii apisika lino mukupekanya na lino mukutungulula masambililo ya Baibo. *

• Mwabelenga ma palaglafu, nu kulanzyanya mauzyo

• Mwabelenga malembo yano iyati “belengini” nupya mwaazwa umusambi ukulola vino angayaomvya

• Mwatamba nu kulanzyanya mavidyo ukuomvya mauzyo ati yalangililwa

• Mwaezya ukusambilila isambililo lyonsi pa muku onga

Lino mukusimikila, mwatandikilapo ukusambilila nu muntu umu kabuku pakuti mumanye ndi cakuti akulonda ukusambilila na vyuze. (Lolini akambokosi kakuti “ Ivya Kupeela Umuntu Kabuku Kakuti Mungaya ni Nsansa Manda Pe! pa Muku wa Kutandikilapo.”) Nga mwamala ukusambilila nu umusambi mu kabuku nupya mwalola ukuti akulondesya ukusambilila, mungamupeela ibuku nu kutandika ukusambilila nawe umwi sambililo 4. Ndi cakuti mukasambilila na umwi umwi ibuku ilyakuti Baibo Ikatusambilizya nanti umwi buku ilyakuti Vino Tungikala mu Kutemwa Kwakwe Leza mulinzile ukutandika ukusambilila nawe umwi buku ilyakuti Mungaya ni Nsansa Manda Pe! nupya mungalola pano mungatandikila.

TAMBINI VIDYO IYAKUTI MWIZA MUKWAI UKWI SAMBILILO ILYA BAIBO, ALINO MWASUKE MAUZYO ALONDELELAPO:

• I vyani vino asambi yalasambilila umwi buku ilipya?

• U mulandu ci uno mulinzile ukutambisizya asambi vidyo ii?

• I vyani vino mulinzile ukukomelezya umusambi ukupanga ukucita nu kufikilizya?—Lolini kambokosi kakuti “ Vino Mulinzile Ukwikako Mano nu Kwezya Ukucita Muli Cila Ciputulwa”