Lino mukuomvya ibuku lyakuti Mungaya ni Nsansa Manda Pe!, uzye mukaipakizya mavidyo na mauzyo aakwelenganyapo? Uzye mukaipakizya ni viputulwa ivyakuti “Yamwi Yakalanda Ukuti,” “Ezyini vii,” na “Londelezyini”? I viputulwa ci na vyuze ivyaya umwi buku lii ivingamwazwa lino mukuomba umulimo wa kupanga asambi?—Mate. 28:19, 20.

Mpapulo na Mavidyo: Ndi cakuti mwatemwa ukuomvya ibuku lipulintwe pa kutungulula isambililo lya Baibo, uzye mungacita uli pakuti muzane mavidyo yonsi ni mpapulo ivili mu ciputulwa cico? Nga mwaya mwi ibuku lya pa intaneti, musoolole iciputulwa conga pa viputulwa 4 vikalamba ivyaya umwi buku lii. Lyene muye pisika lya mitwe ya masambililo aali mu ciputulwa cico, alino mutinike apakuti mpapulo na mavidyo. (Lolini cikope 1.)

Vino tungacita pakuti luloleke wakwe vino ulupulintwe lukaloleka: Ndi cakuti mukuomvya foni, kompyuta, nanti tabuleti lino mukusambilila na umwi, limwi ukutinika apakuti ulupapulo lwaloleka wakwe vino ulupulintwe lukaloleka (Printed Edition) kungamwazwa lino mukutungulula isambililo. Lino imuyula pi sambililo lino mukusambililapo nu musambi, mutinike pa tumatoni tutatu utuli papela kuli ndilo alino mutinike apakuti “Printed Edition.” Ukucita vii kungamwazwa ukulalola vino ivyeo vino mukusambililapo ivilemana nu mutwe uukalamba uwi sambililo. Pakuti muswilizye ivyeo vyaloleka nupya wakwe vino ivili, tinikini nupya kwene apa tumatoni tutatu alino musoolole apakuti “Digital Edition.”

“Uzye Injipekanya?”: Utumbokosi tuu utwaya mupiipi nu kumpela ii buku tukalanda pali vino umwi angacita pakuti alinge ukulasimikila pamwi ni cilongano na pakuti alinge ukubatiziwa. (Lolini cikope 2.)

Vyeo vya kumpela: Uku vyeo vya kumpela kwaya ivyeo ivikalondolola amazwi acindame aali umwi sambililo. Ku vyeo vya kumpela ivyaya umwi buku lya pa intaneti kwaya amalinki akuti nga mwatinikapo ala yamamiswilizya pano imwapeleela umwi sambililo. (Lolini cikope 2.)