Swensi kwene tukasoka insita zimwi. Ukusoka cisipiliula ukuti tutakwata utailo muli Yeova. Pano na Yeova kwene akasoka insita zimwi. (Utan. 6:5, 6) Nomba tungacita uli ndi cakuti tukasoka sana nanti tukasoka insita izingi?

Mwapepa kuli Yeova pakuti amwazwe. Yeova akaikako sana mano kuli vino tukayuvwa. Akamanya lino tuli ni nsansa na lino itusoka. Wamanya icikalenga twaelenganya nu kucita vivyo. (Masa. 7:9b) Ni cicindamisye icakuti, Yeova akatusakamala nupya angatwazwa ukuzizimizya lino tuli nu ulanda nanti lino tuli na masakamika.—Masa. 34:18.

Mwacingilila melenganyo inu. Melenganyo aipe yangalenga tute ukuya ni nsansa nupya yangonona na ucuza witu na Yeova. Ali mulandu uno tulinzile ukulacingilila umwenzo witu, kuli kuti untu wa mukasi.—Mapi. 4:23.

TAMBINI VIDYO YAKUTI VINO AINA NA YA NKAZI UMU NSI YONSI YAKUIPAKIZYA UMUTENDE, ALINO MWASUKE MAUZYO ALONDELELAPO:

• I vyani vino ya Nikki yacisile ivyayazwile ukucefyako amasakamika?

  Casuko

• U mulandu ci uno ya Nikki yayuvwilanga ukuti yalondekwanga aaku cipatala ukuyazwa?—Mate. 9:12.

  Casuko

• I vyani vimwi vino ya Nikki yacisile ivyalangilile ukuti yataile Yeova ukuti amayazwa?

  Casuko