Ciputulwa ica kutandikilapo pa webusaiti itu paya ivipande na mavidyo ivya kwazwa yayo aya nu mwenzo wa kulondesya ukuvwa. (Mili. 13:48) Ilingi pakaya malyasi akalanda pa vikucitika na vino antu aingi yakwelenganya nu kulandapo.

Uzye mungaomvya uli ciputulwa ca kutandikilapo ica pa jw.org lino mukusimikila?

• Mwaya pa webusaiti itu insita izingi. Mwalola ivipya ivilipo, nu kulola vino mungaviomya pa kwazwa antu aakulondesya ukuvwa. (Pakuti mulole ivipya na vyuze yangini apakuti “See More.”) Ndi cakuti lyonsi tukulola ivipya ivili pa jw.org cilatwangukila ukumanya ivipya ivya kuomvya umu mulimo wakusimikila.

• Mwaomvya ivipande na mavidyo ivikazanwa pa ciputulwa ica kutandikilapo pa jw.org lino mu kutandika ukulanzyanya. Cingalenga tumanye vino antu amu cifulo cino tukaombelamo yakaelenganya.

• Mwalanga antu ivyaya pa ciputulwa ica kutandikilapo pa jw.org. Mwasoolola malyasi nu kulangizya umuntu vino angazana ivyeo pa webusati.

• Mwayatumila linki. Antu yamwi yasilonda ukulanda naswe, lelo yatemwa ukuya pa webusaiti itu. Fwandi mutalengela ukutuma linki ya pa cipande cakutandikilapo pa jw.org kuli yano yakulondesya ukuvwa nanti ukuyatumila linki yako vidyo ino ili pa cipande cico.