Okotoba 7-13
MASAMU 92–95
Lwimbo Na. 84 ni Pepo | Amazwi Aakuyulila Ukulongana (1 min.)
1. Mwaya Insansa Izingi Umu Kuombela Yeova!
(10 min.)
Yeova walinga ukuti twamupepa (Masa. 92:1, 4; w18.04 ifwa 26 pala. 5)
Akaazwa antu yakwe lino yakusoolola ivyakucita pakuti yaya ni nsansa (Masa. 92:5; w18.11 ifwa 20 pala. 8)
Wacindika sana antu aakamuombela asi umulandu iyakota (Masa. 92:12-15; w20.01 ifwa 19 pala. 18)
MUYUZYE MWEINECO MUTI, ‘I cani cikundesya ukuipeela kuli Yeova nu kubatiziwa?’
2. Ukuvwikisya Sana Ivyaya Umu Malembo
(10 min.)
-
Masa. 92:5—Uzye amazwi yaa yakalondolola uli vino Yeova wakwata mano? (cl 176 pala. 18)
-
I vyuma ci vino mwazanyile umu kubelenga Baibo kwa mulungu uu vino mungatunenako?
3. Kubelenga Baibo
(4 min.) Masa. 94:1-23 (th Sambililo 5)
4. Vya Kutandika Ukulanzyanya
(4 min.) KUSIMIKILA KONSI KUNO TULI. Lino mukulanzyanya langililini vino mungacita pa kunena wino mukusimikilako pa mulimo uno mukaomba wa kusambilizya antu Baibo. (lmd sambililo 5 cisinka 3)
5. Kuswililako
(3 min.) KUSIMIKILA KONSI KUNO TULI. Lanzyanyini nu muntu aakulondesya ukuvwa uwakanyilepo ku cisila nupya mumunene ukuti angasambilila Baibo. (lmd sambililo 8 cisinka 4)
6. Mwapanga Asambi
(5 min.) Langililini vino mungacita pa kulanzyanya nu musambi wa Baibo aasikulunduluka. (lmd sambililo 12 cisinka 5)
Lwimbo Na. 5
7. Lino Acance Yakwata Sana Masakamika
(15 min.) Kulanzyanya.
Yonsi aakaombela Yeova yatacingililwa ku masakamika. Wakwe, kwaliko insita imwi lino Devedi wasakamikwe, nupya vikwene ivikacitikila na ina na ya nkazi ndakai. (Masa. 13:2; 139:23) Ca ulanda icakuti na acance kwene yakakwata masakamika. Insita zimwi masakamika yangalenga imilimo ino mukaomba umu umi winu ukupumvyanyiziwa, wakwe ukuya kusukulu nanti ukuzanwa mu kulongana. Nupya insita zimwi, limwi cingalenga tulwale ni ndwala zya ku mwenzo nanti ukulaelenganya pa kuikulika.
Mwe yacance, ndi cakuti mukuvwa ukusakamikwa sana mwanena avyazi inu nanti umuntu aliwensi uwakula muli vyakwe Leza. Nupya mwapepa kuli Yeova. (Filipi 4:6) Nawe alamwazwa. (Masa. 94:17-19; Eza. 41:10) Lolini ivyacitikile ya Steing.
Tambisyini VIDYO iyakuti, Yeova Wansakamalanga. Alino muzye iumba mauzyo yaa:
• I cikomo ci ca muli Baibo icazwile ya Steing, nupya u mulandu ci?
• Uzye Yeova wayasakamalanga uli?
Mwe yavyazi mwaazwa ana inu ukumanya vino yangacita ndi cakuti yali na masakamika, lino mukukutikisya, lino mukulanga ukuti mwayatemwa, na lino mukuyazwa ukutaila ukuti Yeova waya nu kutemwa. (Tito 2:4; Yako. 1:19) Mwaleka Yeova aliwe aamikomelezya nu kumipeela amaka aakumyazwa ukutungilila ana inu.
Limwi mutange mumanye ndi cakuti umwi umu cilongano ali na masakamika, nanti limwi mutange muvwikisye vino akayuvwa. Lelo mungazwilizyako ukukulenga aa mu cilongano ukuyuvwa ukuti yatemwikwa nupya yacindama.—Mapi. 12:25; Aeb. 10:24.
8. Sambililo Lya Baibo pa Cilongano
(30 min.) bt cipa. 16 mapa. 6-9, kambokosi pi fwa. 132
