Sepetemba 16-22
MASAMU 85-87
Lwimbo Na. 41 ni Pepo | Amazwi Aakuyulila Ukulongana (1 min.)
1. Ipepo Likatwazwa Ukuzizimizya
(10 min.)
Mwaleenga Yeova ukuti amwazwa ukuya ni nsansa (Masa. 86:4)
Mwaleenga Yeova ukuti amwazwa ukutwalilila ukuya acisinka (Masa. 86:11, 12; w12 5/15 ifwa 25 pala. 10)
Mwataila ukuti Yeova alaasuka mapepo inu (Masa. 86:6, 7; w23.05 ifwa 13 mapa. 17-18)
MUYUZYE MWEINECO MUTI, ‘Uzye ndi cakuti nakwata intazi aali lino nkapepa mapepo aatali alino nu kuya nu mute uwa kupepa?’—Masa. 86:3.
2. Ukuvwikisya Sana Ivyaya Umu Malembo
(10 min.)
-
Masa. 86:11—Uzye ipepo lino Devedi wapefile likalangilila vyani pali vino vyaya umu mwenzo wa muntu? (it-1 ifwa 1058 pala. 5)
-
I vyuma ci vino mwazanyile umu kubelenga Baibo kwa mulungu uu vino mungatunenako?
3. Kubelenga Baibo
(4 min.) Masa. 86:1–87:7 (th sambililo 12)
4. Vya Kutandika Ukulanzyanya
(3 min.) KUSIMIKILA KONSI KUNO TULI. Nenini wino mu kusimikilako ukuti angasambilila Baibo. (lmd sambililo 3 cisinka 5)
5. Kuswililako
(4 min.) KUSIMIKILA KONSI KUNO TULI. Lanzyanyini nu muntu uwaminenyile ukuti watasakamikwa pali vino vikucitika, nupya mumunene ukuti angasambilila Baibo. (lmd sambililo 7 cisinka 4)
6. Mwapanga Asambi
(5 min.) lff sambililo 15 cisinka 5.Lanzyanyini nu musambi vino cilaya pakuti akasambilile mu mulungu ulondelilepo nanti cakuti mutalayapo. (lmd sambililo 10 cisinka 4)
Lwimbo Na. 83
7. Utaezya Ukutoovoka
(5 min.) Kulanzyanya.
Tambisyini VIDYO. Alino muzye iumba mauzyo yaa:
-
I cani limwi icingalenga ukuti insita zimwi twayuvwa ukutoovoka lino tuli mu mulimo wa kusimikila?
-
U mulandu ci uno tutalinzile ukutoovokela?
8. Twalililini Ukulonda Antu Aakuti Mwasambilizya Baibo!
(10 min.) Kulanzyanya.
Uzye mwatandika ukutungulula masambililo ukuomvya kabuku kakuti Mungaya ni Nsansa Manda pe! mu mwezi kwene uu mu nsita yako kampeni iiyele? Nga vino cili, mufwile muli sana ni nsansa! Nupya limwi cii calenga yauze ukukomeleziwa. Kupusanako na vii, nga mutatala mwatandika ukutungulula isambililo lya Baibo cingalenga mwayuvwa ukuti miombele inu isi ningo. Uzye mungacita uli ndi cakuti mukuvwa uyi pali vino mutatala mwatandika ukutungulula isambililo lya Baibo?
Tambisyini VIDYO Iyakuti, “Tukalanga Ukuti Sweswe Yaomvi Yakwe Leza Nga Tukuteeka Umwenzo”—Lino Tukusimikila. Alino muzye iumba mauzyo yaa:
-
Uzye ilembo lyakwe 2 Kolinto 6:4,6 lingatwazwa uli ndi cakuti tukulola ukuti vino tukuomba umulimo wa kusimikila tukuicuzya sile?
-
Uzye mungasenula uli imiombele inu ndi cakuti mukuyuvwa ukuti vino mukuomba umu mulimo wa kusimikila mukuicuzya sile pa mulandu wakuti mutatala mwazana uwakusambilizya Baibo?
Mwaiusya ukuti asi amasambililo ya Baibo yano twakwata nanti yano tukatungulula aakalenga ukuti tuye ni nsansa. Lelo icikalenga twaya ni nsansa u kumanya ukuti Yeova akataizya pali vino tukaipeelesya ukuomba. (Luka 10:17-20) Fwandi twalililini ukuombesya muli kampeni ii iiyele nu mwenzo winu onsi, ala mu kwiusya ukuti “umulimo winu umu Mwene usi wa sile sile.”— 1Kol 15:58.
9. Sambililo Lya Baibo pa Cilongano
(30 min.) bt cipa. 15 mapa. 13-14, kambokosi pi fwa. 121
