Yesu wasimikiile umwanaci umwina Samaliya mu lyasi sile pano cino watampilepo ukucita u kulanzyanya nawe. Tungacita uli pakuti nafwe twatandika ningo ukulanzyanya na antu yano tutamanya?

• Mwatemwa antu nupya mwalanda nayo. Nanti cakuti Yesu watoonsile, watandike ilyasi kuomvya sile inzila iyangupale iya kulenga amanzi ya kumwa. Namwe mungatandikilapo kulamuka umuntu nupya limwi mungalanda vino miceele ili, nanti pali vimwi vyacitike likwene. Mwaiusya ukuti cino mukulondesya, u kutandika ukulanzyanya, fwandi mungalanda pi lyasi lino umuntu wiyo angatemwa. Nga ataaswike, usi mulandu. Mungezya ukulanzyanya nu muntu muze. Mwalenga Yeova kuti amwavwa kusipa.—Neem. 2:4; Mili. 4:29.

• Mwalondelezya kasita akangazipa ukulanda na antu pi landwe lisuma lelo mutazukuwa. Mwaleka ilyasi ilimutungulula ku kusimikila. Nomba nga mwapatikizya kuti mutandike zuwa ukusimikila umuntu wiyo, cingamutalila limwi angata nu kulanzyanya namwe. Mutauvwa uyi ngi cakuti ilyasi lyasilila sile pa nzila ukwaula kuti musimikile. Ngi cakuti cikamutalila ukusimikila antu mu lyasi sile, mungezya ukuyelezezya limwi ukutandika malyasi ukwaula ukuti musimikile umuntu. [Tambisyini vidyo1. nu kulanzyanya.]

• Mungezya ukucitapo cimwi icingalenga mumusimikile, limwi mungalanda mazwi yamwi asuma pali vino mwataila, pano cingalenga wino mukulanzyanya nawe auzye kuti mumulondolwele. Yesu walanzile ivyeo vimwi ivyalenzile umwanaci akwate mauzyo. Lino wamusimikile pi lyasi lisuma, wasukanga mauzyo yano umwanaci uzizye. [Tambisyini vidyo 22, nu kulanzyanya, pa cisila mutambisye vidyo 3. nu kulanzyanya.]