Ciputulwa 1
Kufuma Apa Kuumba Ivintu Kufika Kuli Mulamba
Uzye iyulu ni insi vyafumile kwi? Ngi lanzi, umwezi ni ntanda, alino ni vintu ivingi vino tukalola pano nsi vyafumile kwi? Baibo ikatuneena ukuti vyonsi vii a Leza uwavipanzile. Fwandi ibuku lii litandikiilepo na malyasi amuli Baibo aakalanda pali vino ivintu vyapanzilwe.
Yano Leza watandikiilepo ukupanga yaali antu akolana na aliwe. Antu yaayo yaali angeli. Nomba insi yene yaipanzile ukuti fwe yantu twaikala mwenemo. Acino, Leza wapanzile umonsi nu mwanaci, Adamu na Eva, nu kuyiika umu calo icisuma cuze. Nomba antu yaayo yatuuvwilile Leza, acino yataatwalilile ukuya nu umi.
Kufuma lino Adamu waumvilwe, ukufika lino kwali Mulamba mukalamba, papisile imyaka 1,656. Mu myaka yonsi iiya, kwali antu aipe aingi. Umwiyulu mwali angeli aipe, kuli kuti Satana na angeli yakwe aipe. Napo pano nsi paali Kaini na antu yauze aipe, kumwi na mapombolo. Nomba, pa mpanga ya pansi paaliko na antu aali asuma, wakwe Abeli, Enoki, na Nowa. Mu Ciputulwa ca KUTANDIKILAKO tuli nu kuwelengamo malyasi pa antu yonsi yaa ni vintu ivyacitikanga.
MU CIPUTULWA CII
ILYASI 1
Leza Watandika Ukupanga Ivintu
Ilyasi ilyaya mu Utandiko pa uumbo lyangupala ukuvwa napya lyazipa cuze nanti sile uku yana yanono.
ILYASI 2
Calo Icisuma Cuze
Kulingana ni buku lya Utandiko, Yeova wisile impanga ya Edeni pa ncende isuma. Leza akalonda ukuti avino insi yonsi ikaye.
ILYASI 3
Umonsi Nu Mwanaci Akutandikilapo
Leza waumvile Adamu na Eva nu kuika mu calo ca Eden. Yaali a Iya nu Muci aakutandikilako.
ILYASI 4
Mulandu Uno Yayazingiile Ukufuma Umu Edeni
Ibuku lya Utandiko likalanda vino cali pakuti Paladaise alowe.
ILYASI 5
Lyene Ukucula Kwatandika
Lino Adamu na Eva yayazinga mu Edeni yatandike ukukwata intazi izipisye. Ngi cakuti iyuvwila Yeova ngi mikalile yali ningo kumwi na ana yao.
ILYASI 6
Umwana Musuma Nu Mwipe
Ilyasi ilikalanda pali Kaini na Abeli likatusambilizya pali vino tufwile ukuya, alino na vino tufwile ukusenuka likwene.
ILYASI 7
Umonsi Umusipe
Ilyasi lyakwe Inoki likatusambilizya ukuti tungaya ni miyele isuma nanti cakuti antu yano tukwikala nayo yakucita ivintu ivipe.
ILYASI 8
Vipombolo Umu Nsi
Pa Utandiko 6 tukasambilila pa vipombolo ivyacuzyanga sana antu. Vipombolo vivyo yavyamanga yakuti ma Nefilimu, vyavilwe kuli ya malaika aizile pano nsi nu kuisangula antu.
ILYASI 9
Nowa Wapanga Iciwato
Nowa nu lupwa lwakwe yapuswike mulamba mukalamba pano yuvwilile Leza nanti cakuti asyala yakanyile ukumuvwila.
STORY 10
Mulamba Mukalamba
Antu yasekanga lino Nowa akuyacelula. Nomba yatile ukuseka lino mulamba mukalamba wizile. Sambililini mumanye vino Nowa, ulupwa lwakwe kumwi ni vinyama yapuswike.
