Ciputulwa 2
Ukufuma Pali Mulamba Ukufika pa Kukululwa Ukufuma Umu Eguputo
Antu sile 8 aliyo yapuswike kuli mulamba, nomba umukuya kwa nsita antu izile iyavula cuze. Lyene, lino papisile imyaka 352, Abulaamu waviilwe. Tumasambilila vino Leza wasunzile ulayo lino wapeezile Abulaamu umwana wino watemiile iziina lyakuti Isaki. Lyene pa yana yakwe Isaki yaili aonsi, Leza wasoolwile Yakobo.
Yakobo wakweti ulupwa ulukulu sana; wakweti ana onsi 12 nupya paali na akazyana. Ya mwana Yakobo aonsi 10 yapasile umuto wao Yosefu nu kumukazya umu uzya uku Eguputo. Umukuya kwa nsita, Yosefu wizile aya kateeka umucindame sana uku Eguputo. Lino kwaponyile icipowe, Yosefu wezizye aina yakwe ukulola ndi cakuti yaatiile imiyele iipe. Lyene, ulupwa lwakwe Yakobo lonsi, kuli kuti aina Izlaeli, lwakukiile uku Eguputo. Cii cacitiike ala papita imyaka 290 ukufuma pano Abulaamu wavyalilwe.
Lyene imyaka 215 iyalondeliilepo, aina Izlaeli yaateenzi umu Eguputo. Lino Yosefu wafwile, Aina Izlaeli iizile iyaya azya umu Eguputo. Mukuya kwa nsita, Mose wavilwe, nupya Leza wamuomvizye ukukulula aina Izlaeli ukufuma umu uzya uku Eguputo. Umu Ciputulwa Cakwe CIILI, mwaya malyasi pa vintu ivyacitiike pa myaka 857.
MU CIPUTULWA CII
ILYASI 12
Antu Yakuula Icilupungu Icikulu
Leza atatemilwe foo, napya ukufulula kuno wayafulwile kwakuma antu ndakai.
ILYASI 13
Abulaamu Wali A Cuza Wakwe Leza
Umulandu ci uno Abulaamu wasya icifulo cakwe icisuma nu kutandika ukwikala mu matenti?
ILYASI 14
Leza Wezya Utailo Wakwe Abulaamu
Umulandu ci uno Leza wanena Abulaamu ukupela umwana wakwe ngi mpolelwa?
ILYASI 16
Isaki Watwala Mama Umusuma
Icani calenzile kuti Labeka aye umuci musuma? Uzye apa mulandu wa kuyemba kwakwe nanti avyuze sile?
ILYASI 18
Yakobo Waaya Uku Alani
Yakobo watandikilepo ukufumalila Leya nanti cakuti wataisye Lakeli.
ILYASI 19
Yakobo Ali Nu Lupwa Ulukulu
Uzye antu ya mu mikowa12 akwe Izlaeli yainike pa cisila ca yana 12 akwe Yakobo?
ILYASI 24
Yosefu Wezya Aina Yakwe
Wali nu kwiluka uli ndi cakuti iyasenuka ukufuma pa nsita ino yamukazizye umu uzya?
ILYASI 25
Yakobo Nu Lupwa Yakukila Uku Eguputo
U mulandu ci uno ya mwana Yakobo yayamanga ukuti aina Izlaeli, kwaula kuyama ukuti aina Yakobo?
ILYASI 26
Yobo Wali Uwa Cuvwiila Kuli Leza
Yobo waponzizye ivyuma vyakwe, ana yakwe alino alwala nu kulwala. Uzye a Yeova wamufululanga?
ILYASI 27
Mwene Umwipe Watandika Ukuteeka Eguputo
U mulandu ci uno wanenile antu yakwe ukuti yafwile ukukoma ana yonsi aonsi?
ILYASI 29
Icalenzile Ukuti Mose Apuuke
Lino Mose wali ni myaka 40 welenganyanga ukuti angapususya aina Izlaeli, lelo insita yali itali ifike.
ILYASI 30
Cimpuza Cikwaka Icimbilimbili
Leza waomvya ivizungusyo ivingi pa kwazwa mose ukwiluka ukuti insita yakuti akulule aina Izlaeli ukuyafumya mu Egupto yatifika.
ILYASI 31
Mose Na Aloni Yaaya Kuli Falao
Umulandu ci uno Falao wakana kuvwila Mose nu kuleka aina Izlaeli yafume mu Egupto?
ILYASI 32
Ivinkunka 10
Leza waleta vinkunka 10 pa ina Egupto pa mulandu wakuti Falao kateka wa mu Egupto wakana ukuleka aina Izlaeli kufuma mu Egupto.
ILYASI 33
Yaalamba Yemba Muyenzu
Pa mulandu na maka yako Leza, Mose wapaatula Yemba Muyenzu nu kuleka aina Izlaeli kupita apuume.
