CIPUTULWA 7
Kufuma pa Kutuutuluka Kwakwe Yesu Ukufika Lino Paulo Wayaliilwe Umu Cifungo
Lino paapisile manda yatatu ukufuma pano Yesu wafwiliile, wizile atuutuluka. Pa wanda kwene uuwa, walolekiile uku yalondezi yakwe yasano (5). Yesu watwaliliile ukulolekela uku yalondezi yakwe apa manda 40. Lyene Yesu wapisile ukwiyulu ala asambi yakwe yamwi yakumulola. Lino paapisile amanda 10, Leza watumile umupasi pa yalondezi yakwe Yesu aaloleelaanga umu Yelusalemu.
Lino paapisile insita, alwani yakwe Leza yaayaalile atumwa umu cifungo, nomba, umungeli wayapuswisye. Antu aalesyanga umulimo wa kusimikila, yaatamile Sitivini na amawe mpaka yamumoola. Nomba, tulasambilila pali vino Yesu wasoolwile umonsi umwi uwalesyanga umulimo wa kusimikila, nu kumucita umuomvi wakwe umuiyele sana, na vino umuomvi wiyo wizile aya umutumwa Paulo. Lyene lino paapisile imyaka itatu ni myezi 6 ukufuma pano Yesu wafwiliile, Leza watumile umutumwa Petulo ukuya-simikila umuntu aataali umuYuda uwiziina lyakuti Konelio nu lupwa lwakwe.
Kufuma papo, paapisile imyaka apiipi na 13, Paulo aiza-atandika ulwendo ulwa kutandikilako ulwa kuya umu kusimikila. Lino Paulo wayile apa lwendo lwakwe ciili, Timoti walondiile. Tulasambilila pali vino Paulo na aomvi yauze yano wapitaanga nayo, yaaipakizyanga umu mulimo wa kuombela Leza. Lyene Paulo iizile iyamuyalila umu cifungo uku Loma. Lino paapisile imyaka iili, iizile iyamufumya umu cifungo, nomba, iizile yamuswilizya umu cifungo nupya nu kumukoma. Ivintu ivyalandwa umu CIPUTULWA 7 vyacitiike apa myaka apiipi na 32.
MU CIPUTULWA CII
ILYASI 102
Yesu watuutuluka
Lino malaika wasisya iciliwe cino yayalile pi lindi lyakwe Yesu, asilika yazunguka lino yalola umukasi.
ILYASI 104
Yesu Waswilila Ukwiyulu
Lino Yesu atali aswilile ukwiyulu, wanena asambi yakwe icintu conga cakusyalikizya.
ILYASI 105
Yali Umu Yelusalemu Yakuloleela
Umulandu ci uno Yese watuma umupasi wakwe wa muzilo pa wanda wa pa pentekosti?
ILYASI 106
Yayafumya Umu Cifungo
Intunguluzi zya mapepo zya ci Yuda zyanyepa atumwa pakuti yataasimikila, lelo Leza wacita cizungusyo.
ILYASI 108
Ulendo Wa Ku Damasiko
Uluswepo lwa kupofwisya ni zwi kufuma kwi yulu vyalenga kuti Paulo asenuke.
ILYASI 109
Petulo Watandalila Konelio
Uzye Leza akalola antu a mitundu imwi ukuti yacindama kuluta auze?
ILYASI 110
Timoti Watandika Ukwavwa Paulo
Timoti wasya ulupwa nu kutandika ukuombela pamwi na Paulo mu lwendo lwa kusimikila.
ILYASI 111
Mulumendo Uwasipulanga
Yutuko wasipulanga lino paulo akulanda malyasi yaili, icacitike pa nsita yii cali cizungusyo.
ILYASI 112
Yaunda Apiipi Ni Cilila
Lino yonsi utailo wasila alino Paulo wapokelela mazwi kuli Leza aamukomya.
