Baibo isipeleela sile apa kusimika malyasi acumi pa vintu ivyacitiike mpiti, yene ikatuneena na pa vintu ivilacitika uku nkoleelo. Antu yene yatanga yalande ivilacitika uku nkoleelo. Ali cino twasininkizizya ukuti Baibo yafuma kuli Leza. Uzye Baibo ikati i vyani ivilacitika uku nkoleelo?

Ikalanda ukuti kulaya inkondo ikalamba yakwe Leza. Leza alaomvya inkondo iyo ku kufumyapo ivintu iviipe vyonsi na antu aipe yonsi, nomba alacingilila antu aakamuombela. Yesu Klistu, umwene wino Leza wasoolola, alasakamala aomvi yakwe Leza pakuti yakikale amanda pe umu nsansa, nupya yatalaalwala nanti ukufwa.

Tufwile ukuzanga pali vino Leza alalenga insi ukuya paladaise, uzye asi avivyo? Nomba, kwaya ivintu vino tufwile ukucita pakuti tukiikale umu paladaise. Umwilyasi lya kusyalikizyako umwibuku kwene lii, amuno tulasambilila ivintu vino tufwile ukucita pakuti nafwe tukaipakizye ivintu ivisuma vino Leza walaya ukucitila aomvi yakwe. Fwandi welenga ICIPUTULWA 8 pakuti uuvwe vino Baibo ikasoowela ivilacitika uku nkoleelo..