Ndi mukulonda umuntu umwi alukuya cuza winu, mulinzile mwalanzyanya. Mufwile mwamuvwa, nawe afwile amumvwa. Kapya mukasimikilako antu ivisuma vino cuza winu wiyo akacita. Avino nu kuya cuza wakwe Leza kwaya. Lolini vino Baibolo ikalanda pa cintu cii:

Mwavwanga na Yeova cila nsita. ‘Mwapepa insita zyonsi.’—Loma 12:12.

Mwawelenga Izwi Lyakwe Leza, Baibolo. “Mazwi yonsi amu malembelo yene yafuma kuli Leza nupya yakaomviwa mu kusambilizya icumi, kukanya kuluvyanya, kulungika kuluvyanya, nga nu kupela utunguluzi ku antu pa kucita vyawololoke.”—2 Timoti 3:16.

Mwasambilizya antu pali Leza. “Caleka yangini konsi mu nsi mucite antu amu nko zyonsi kuya alondezi yane, . . . nu kuyasambilizya kucita vyonsi vino namunenanga.”—Mateo 28:19, 20.

 Palamilini kuli yacuza yakwe Leza. ‘Wensi akapita na antu ya mano alaya uwa mano.’—Mapinda 13:20.

Mwaya uku kukongana ku Ng’anda ya Wene. “Lekini twasakamala nu kwazwana nu kutemwa kucita visuma. . . twakomelezyanya.”—Ayebulai 10:24, 25.

Mwa-azwilizya umulimo wa Wene. “Cila muntu alinzile kupela kulingana na vino wataipingula umwisikulu kwaulu kusiima, nanti kupatikiziwa. Pano Leza watemwa umuntu wino akapela ni nsansa.”—2 Kolinti 9:7.