Satana akatunka antu kuti yacita iviipe. Umuntu aakulonda ukuya cuza wakwe Leza afwile ukupata vino Yeova wapata. (Masamu 97:10) Vintu vimwi vino yacuza yakwe Leza yakasenkako a ivi:

Ucizelele. “Utacita ucende.” (Kufuma 20:14) Umuntu ndi walaala na umwi lino yatali yatwalane na co kwene iciipe.—1 Kolinto 6:18.

Kukoleka. ‘Akolesi yatalakumako ku wene wakwe Leza.’—1 Kolinto 6:10.

Ukomi, Kuponya Inda. “Utakoma umuntu.”—Kufuma 20:13.

Uwivi. “Utaiya.”—Kufuma 20:15.

Uufi. Yeova wapata “ululimi lwa ufi.”—Mapinda 6:17.

 Unkalwe nu Ukali. ‘Wensi wino watemwa unkalwe [Yeova] wamupata wakwe cimwi.’ (Masamu 11:5, NW) Mu “vintu vino untunze ukacita [mwayamo na] . . . kusokana.”—Galatiya 5:19, 20.

Iviila vya Kusitikapo Impiya. ‘Mutalinzile ukuya mu utandano nu wa lwiswa.’—1 Kolinto 5:11.

Kupata Antu a Mitundu Yuze. ‘Temwini alwani inu pepelini yano akamuzunya.’—Mateo 5:43, 44.

Vintu vino Leza akatunena ivya kutuzipila. Limwi limwi, cikatala ukusenka uku kucita ivintu viipe. Nomba ndi Yeova na ya Nte yakwe yamwavwa, mungasenka uku kucita ivintu vino vikasosya Leza.—Ezaya 48:17; Filipi 4:13; Ayebulai 10:24, 25.