LEZA WA MAKA YONSI ali Kateeka wa vintu vyonsi. Ikukana ukuya Leza, ngano swensi kwene tutaayako. Wakwata amaka ya kulambula antu na amaka yakumoola yacintuvwa. Wakwata amaka ya kupeela umi na amaka akonoona umi. Ngi cakuti tukumuzanzya, tulaaomba ningo; nomba nga tusikumuzanzya, ivintu vitalaatuziipila. Fwandi i ca mpomvu sana ukuti twamupepa umu nzila ino wazumilizya!

Kwaya inzila izipusane-pusane zino antu yakapepelamo Leza. Uzye inzila zyonsi kwene zizyo, tungati Leza wazizumilizya? Awe foo. Yesu, kasesema wakwe Leza, walanzile ukuti kwaya sile inzila ziili. Walanzile ati: “Mpongolo yakwingilila ku ononesi iisalale. Nu museo wakuilamo uusalale, nga na antu aingi yakaingila nu kupitamo. Lelo mpongolo yakwingilila ku umi iifyenkane. Nu museo wakuilamo wene watala kulondela, cakuti antu akauzana anono sile.”—Mateo 7:13, 14.

Kwaya sile imisango iili iya mipepele: upefi onga ukatungulula uku umi, lyene uze nao ukatungulula uku ononesi. Akabuku kaa twakapanzile ukuti kamwavwe ukumanya inzila iikatungulula uku umi wa pe.