Cipande 16
Kanyini Ciwa
“Mwakanya Ciwa, nawe aluutuka kufuma kunomuli.”—YAKOBO 4:7.
1, 2. I vyani vino tulinzile ukumanya pali Satana ni viwa vyakwe?
UWIKAZI umu nsi ipya yakwe Yeova ulazipa. Lyene tulaikala wakwe vino Leza walondanga twaikala. Nomba ndakai tukaikala umu nsi ii ikatungululwa na Satana ni viwa vyakwe. (2 Kolinto 4:4) Nanti icakuti tutange tuyalole akuno yaya nupya yakwata sana amaka.
2 Umu cipande cii, tumasambilila vino tungatwalilila ukupalama kuli Yeova nu kuicingilila kuli Satana. Yeova watulaya ukuti amatwazwanga. Nomba tulinzile ukumanya inzila zino Satana ni viwa vyakwe yakaomvya pa kutuponzya nu kutuzanza.
CIWA “AKUNG’ANZA WAKWE CISAMA”
3. I vyani vino Ciwa akalonda tucite?
3 Satana akapeela antu umulandu ukuti yakapepa Yeova pa mulandu na ukaitemwe nu kuti tungata ukumuombela ndi cakuti ivintu vyatutalila. (Welengini Yobo 2:4, 5.) Ndi cakuti umwi walanga ukuti akulonda ukusambilila pali Yeova, Satana ni viwa vyakwe yakalola nupya yakaezya na maka ukumulesya. Yakasoka sana ndi cakuti umuntu waipeela kuli Yeova nu kuwatiziwa. Baibo ikalanda ukuti Ciwa “akululumba nu kung’anza wakwe cisama wino akulunga umwi uwakuti alye.” (1 Petulo 5:8) Satana akalonda ukonona ucuza witu na Yeova.—Masamu 7:1, 2; 2 Timoti 3:12.
Satana akasoka sana ndi cakuti twaipeela kuli Yeova
4, 5. (a) I vyani vino Satana atange acite? (b) Uzye cikapiliula cani ‘ukukanya ciwa’?
4 Nomba tutalinzile ukutiina Satana ni viwa vyakwe. Yeova wayapeela umwa kupeelela. Yeova watulaya ukuti “iumba likulu cuze” ilya Ina Klistu ya cumi yalapusuka ‘ucuzi ukulu cuze.’ (Umbwilo 7:9, 14) Pasi vino Ciwa angacita pa kutulesya ukupusuka ucuzi ukulu cuze pano Yeova akacingilila antu yakwe.
5 Ndi cakuti twapalama kuli Yeova, Satana atange aonone ucuza witu na Yeova. Izwi Lyakwe Leza likatunena ukuti: ‘Yeova ali namwe cikulu sile mwamutontela.’ (2 Milandu 15:2; welengini 1 Kolinto 10:13.) Aonsi na anaci aingi autailo aliko mpiti ali wakwe Abeli, Enoki, Nowa, Sala na Mose yakanyizye Ciwa lino yatwalilile ukupalama kuli Yeova. (Ayebulai 11:4-40) Naswe kwene tungacita vino yacisile. Izwi Lyakwe Leza likatunena ukuti: “Mwakanya Ciwa, nawe aluutuka kufuma kunomuli.”—Yakobo 4:7.
TUKALWA ULWI
6. Uzye Satana akacita uli pa kutuzanza?
6 Nanti icakuti Satana wamanya ukuti Yeova wamupeela umwa kupeelela, akaezya na maka ukucita ivili vyonsi vino angacita pakuti sile ucuza witu na Leza utatwalilila. Ndakai Ciwa akazanza antu umu nzila izipusanepusane nupya akaomvya imicenjelo iyo pa myaka iingi. I micenjelo ci imwi iyo kwene?
7. U mulandu ci uno Satana akuzanzila antu yakwe Yeova?
7 Umutumwa Yoane walemvile ati: “Insi yonsi ili pisika lya utesi wa mwipe wilya.” (1 Yoane 5:19) Satana akatungulula insi ii nupya akalonda atungulula na antu yakwe Yeova kwene. (Mika 4:1; Yoane 15:19; Umbwilo 12:12, 17) Ciwa wamanya ukuti wasyala sile ni nsita inono, fwandi akuombesya ukutulesya ukuya acisinka kuli Leza. Insita zimwi Ciwa akaomvya ivintu ivikaloleka pa kutuzanza, nomba insita zimwi akatuzanza ukwaula ukumanya.
8. I vyani vino Umwina Klistu wensi alinzile ukulaiusya?
Efeso 6:12 ukuti: “Tukulwisya . . . mipasi yankota iya mulwelele.” Cila muntu akalwa ulwi na Ciwa ni viwa. Tulinzile ukulaiusya ukuti yonsi aakaipeela kuli Yeova yakalwa ulwi. Muli kalata ino umutumwa Paulo walembiile Aina Klistu aku Efeso wayakomelizye imiku itatu ukuti yalinzile ukuya “azyansye.”—Efeso 6:11, 13, 14.
8 Tukawelenga pali9. I vyani vino Satana ni viwa vyakwe yakaezya ukutucita?
9 Satana ni viwa vyakwe yakaezya ukutusomba umu nzila izipusanepusane. Ndi cakuti twakanya Satana umuku onga cisikupiliula ukuti atanga awele casila. Ciwa akaezya na maka ukuzana pano utonte witu wayela pakuti amanye inzila ya kuomvya pakuti atuponzye. Nomba atange atucimvye pano Baibo ikatusambilizya pa nzila zino akaomvya. (2 Kolinto 2:11; lolini Vyeo Vya ku Mpela pa namba 31.) Inzila yonga ino akaomvya u kutaila imipasi.
TALUKINI VIWA
10. (a) Uzye ukutaila imipasi cikapiliula cani? (b) Uzye Yeova akalola uli ukutaila imipasi?
10 Ukutaila imipasi u kulauvwana ni viwa ukupitila mu kusapoola, ulozi, malele nanti ukwezya ukuvwanga na afwe. Baibo ikatunena ukuti ukutaila imipasi kwaya pa vintu “vyawinyi” nupya tutange twataila imipasi alino nu kupepa Yeova pa nsita iliyonga kwene. (Malango 18:10-12; Umbwilo 21:8) Aina Klistu yalinzile ukutalukilila uku vintu ivili vyonsi ivikauvwana ni vya mipasi.—Loma 12:9.
11. Ndi cakuti twatandika ukuomvya ivya malele i vyani vingacitika?
11 Satana wamanya ukuti ndi cakuti twatandika
ukuomvya ivya malele ala cilamwangukila ukutupalamika uku kutaila imipasi. Consi icikauvwana ni vya mipasi cingonona ucuza witu na Yeova.SATANA AKAEZYA NA MAKA UKUTUPONZYA
12. Uzye Satana akacita uli pa kuvulunganya imyelenganyizizye itu?
12 Satana akaezya na maka ukuvulunganya imyelenganyizizye ya antu. Akalenga umuntu atandika ukutwisika panono panono mpaka atandika ukwelenganya ukuti ‘iviipe i visuma alino ivisuma navyo i viipe!’ (Ezaya 5:20) Ciwa akalenga antu yaelenganya ukuti vino Baibo ikatusambilizya visiomba nupya tungaya ni nsansa ndi cakuti tusikulondela vino Leza akalonda twacita.
13. Uzye Satana wacisile uli pa kulenga antu kutwisika?
13 Ukulenga antu ukutwisika ali nzila ino Satana watemwa sana ukuomvya. Waomvya inzila ii pa myaka iingi. Umu calo ca Edeni walenzile Eva atandike ukutwisika lino wamunenyile ukuti: “Uzye icacumi Leza wamuinda ukulya iviseekwa vyaku miti yonsi ya mu calo?” (Utandiko 3:1) Nupya umu nsita yakwe Yobo, Satana uzizye Yeova pa manso ya angeli ukuti: “Uzye lelo tungati pataya cimwi icalenga kuti [Yobo] aye vivyo?” (Yobo 1:9) Pa cisila lino Yesu wawatiziwa, Satana wamunenyile ukuti: “Ndi wewe Mwana wakwe Leza, nena mawe yaa yaye mukate.”—Mateo 4:3.
14. Uzye Satana akacita uli pa kulenga antu ukutandika ukutwisika ndi cakuti ukutaila imipasi kwaipa?
14 Na ndakai kwene Ciwa watwalilila ukulenga antu ukutwisika. Akalenga antu yatandika ukutwisika ndi cakuti ukutaila imipasi kwaipa lino akalenga ivintu vimwi ukuloleka ngati vili sile ningo. Na Ina Klistu 2 Kolinto 11:3) Nomba i vyani vino tungacita pakuti tucingililwe? Tungasininkizya uli ukuti tusikusombwa na Satana? Lekini tulole inzila ziili zino Satana angatuponzezyamo kuli kuti ivya kuizanzya ni milwaziwilwe.
kwene yamwi yaponziwa uku nzila ii. (SATANA AKAOMVYA IVILONDWA VYA MWILI
15. Uzye tungaika uli umu vya mipasi ukupitila mu vya kuizanzya?
15 Ndakai, amafilimu aingi, ma vidyo, vino yakatambisya pa tv, vyangalo vya pa kompyuta na vino yakaika pa intaneti vyonsi, vikalanga iviwa ni vya malele. Antu aingi yakalola ivintu vii ukuti vitaipa nupya yasimanya intazi ino yangakwata umu umi wao ndi cakuti yatandika ukutaila umu viwa. Nupya umuntu angatandika ukutaila ivya mipasi ukupitila umu kusapoola, ukuya kuli ya sing’anga, ukupima imisilwa iya mu minwe nu kusoowela. Ciwa akafisa intazi izikaiza nupya akalenga ivintu vivyo ukuloleka ivisuma nupya ivya kuzanzya antu. Umuntu angelenganya nu kuti ukutamba ivya viwa nanti ivya malele kutaipa cikulu sile asikucita vivyo kwene. Uzye imyelenganyizizye ya musango uwo yaipa uli?—1 Kolinto 10:12.
16. U mulandu ci uno tulinzile ukutaluka uku vya kuizanzya mumo umwaya ivya malele?
16 Satana ni viwa yasimanya vino tukwelenganya. Nomba yangamanya vino tukulonda na vino tukwelenganya ndi yalola vino tukusoolola sweineco nu kusoolwela ulupwa lwitu, ukwikako sile ni vya kuizanzya vino tukusoolola. Ndi cakuti twasoolola mafilimu, inyimbo nanti mabuku umwaya ivya mipasi, ivya malele, ivya ngulu, ivya ulozi, ivya viwa nanti vyuze, Satana ni viwa yangamanya vino tukulonda. Galatiya 6:7.
Nupya yangezya na maka ukutulenga tutemwe sana ivya mipasi.—Welengini17. Uzye Satana angatuponzya uli ukupitila umu kulondesya kuya nu umi usuma?
17 Satana nupya angatuponzya ukupitila umu kulondesya kuya nu umi usuma. Ndakai aingi yakalwalilila. Limwi umuntu wezyapo imilwazizye ipusanepusane nomba atapola. (Mako 5:25, 26) Limwi angatandika ukusakamala sana icakuti angazumila nu kuomvya imilwazizye ili yonsi. Nomba swe Aina Klistu tulinzile ukucenjela ukukanasoolola imilwazizye muno muli ivya malele.—Ezaya 1:13.
Mwataila Yeova ndi mwalwala
18. I milwazizye ya musango ci ino Aina Klistu yalinzile ukutalukako?
Ezaya 1:15) Tale elenganyini pali vii, Yeova ataali nu kuvwa mapepo yao. Tusilonda ukucita ivili vyonsi ivingonona ucuza witu na Yeova nu kuleka ate ukutwazwa sana sana ndi twalwala. (Masamu 41:3) Nomba tulinzile ukulondelezya imilwazizye ino tukuomvya ndi cakuti musi ivya mipasi nanti ivya malele. (Mateo 6:13) Ndi cakuti cazwanwa ukuti ivintu vivyo amuno vili tulinzile ukutalukako.—Lolini Vyeo Vya ku Mpela pa namba 32.
18 Umu Izlaeli mwali yamwi aomvyanga ivya malele. Yeova wayanenyile ukuti: “Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile.” (MALYASI AKALANDA PA VIWA
19. Uzye Ciwa akacita uli pa kulenga antu aingi ukumutiina?
19 Yamwi yakaelenganya ukuti Ciwa ni viwa i vya kwelenganya sile asi ya cumi, yamwi yene yamanya ukuti akuno yaya pa mulandu ni vintu ivyayacitikila. Aingi yakatiina sana imipasi ya nkota nupya yatekwa uuzya uku vya ntambi. Yauze nayo yakalenga yauze yatiina sana iviwa pa mulandu na malyasi yano yakayasimikila akalanda pa viipe vino iviwa vikacitila antunze. Ilingi antu yakazunguka sana ndi yuvwa malyasi yaa nupya yakalondesya ukunena yauze malyasi kwene yayo. Amalyasi yayo ilingi yakalenga antu ukutiina Ciwa.
20. Tungasalanganya uli ufi wakwe Satana?
20 Manyini ukuti Satana akalonda antu ukumutiina. (2 Tesalonika 2:9, 10) Nupya umusomvi wamanya ivya kuvulunganya imyelenganyizizye ya antu aakatemwa sana ukutaila imipasi, nupya akalenga ukuti yazumile ivintu ivisi vya cumi. Antu ya musango uwo yangaasimika malyasi pali vino yakaelenganya ukuti yalola na vino yuvwa. Ndi cakuti antu yakusimika sana malyasi ya musango uwo, malyasi yayo yakakula nupya mukaaya ivya ufi ivingi. Tusilonda ukwazwa Satana ukulenga antu yamutiina, fwandi tusisimika malyasi ya musango uwo.—Yoane 8:44; 2 Timoti 2:16.
21. Ukucila ukulanda malyasi akalanda pa viwa, i vyani vino tungalandapo?
21 Ndi cakuti umuomvi wakwe Yeova umwi ivya viwa vyamucitikila, atalinzile ukusimikila antu yauze ivya musango uwo. Antu yakwe Yeova yatalinzile ukutiina icili consi cino Ciwa ni viwa yangacita. Lelo tulinzile ukwika amano pali Yesu na pa maka yano Yeova wamupeela. (Ayebulai 12:2) Yesu atasimikilanga alondezi yakwe malyasi pa viwa. Lelo wisile sile mano pi landwe lya Wene na pa “vintu vikulu vino Leza wacita.”—Milimo 2:11; Luka 8:1; Loma 1:11, 12.
22. I vyani vino mukulondesya ukucita?
22 Lekini lyonsi twaiusya ukuti Satana wakwata uyo wa konona ucuza witu na Yeova. Akaezya na maka pakuti sile cico cicitike. Nomba twamanya inzila zino Ciwa akaomvya nupya tukalondesya ukutaluka uku vintu vyonsi ivikauvwana ni vya mipasi. Tutalinzile ukusiila “Ciwa umweko.” (Welengini Efeso 4:27.) Fwandi ndi cakuti twakanya Ciwa tutalalemya umu viteyo vyakwe vyonsi nupya Yeova alatucingilila.—Efeso 6:11.